বঢ়মপুৰ, 26 ডিচেম্বৰঃনগাঁও জিলাৰ কামপুৰৰ বিভিন্ন এলেকাত বিগত এটা মাহ ধৰি বন্যহস্তীয়ে ত্ৰাস চলাই থকা তথ্য পোহৰলৈ আহিছে ৷ বিগত এটা মাহ ধৰি বন্যহস্তীৰ তাণ্ডৱত ত্ৰস্তমান হৈ থকা ৰাইজে অভিযোগ কৰে ৷ এই ক্ষেত্ৰত বন বিভাগৰ নিম্ন ভূমিকাত ক্ষোভিত হৈ পৰিছে স্থানীয় ৰাইজ ৷
বঢ়মপুৰৰ ভিন্ন এলেকাত বন্যহস্তীৰ ত্ৰাস জানিব পৰা মতে কামপুৰৰ ভিন্ন অঞ্চলত প্ৰতিদিনে বন্যহস্তীৰ জাক পাহাৰৰ পৰা বনাঞ্চললৈ নামি আহে ৷ ৰাইজৰ খেতি পথাৰ আৰু ঘৰ দুৱাৰ ভাঙি নষ্ট কৰে ৷ কামপুৰৰ পটিয়াপাম, কাৱৈমাৰী, তেতেলীসৰা, নৈপাম, বৰকোলা আদি বিভিন্ন প্ৰান্তত নিশাৰ লগতে দিনৰ পোহৰতো বন্যহস্তীয়ে পথাৰত ত্ৰাসৰ সৃষ্টি কৰিছে ৷ ৰাইজৰ অভিযোগ অনুসৰি ৰাজ্যৰ বিয়াগোম বন বিভাগে দিনে নিশাই ত্ৰাসৰ সৃষ্টি কৰি অহা বন্যহস্তী খেদাত ব্যৰ্থ হৈছে ৷
