তিৱা স্বায়ত্ব শাষিত পৰিষদৰ নিৰ্বাচনত ৩৬ খন আসন লাভ কৰিব কংগ্ৰেছে : ৰিপুন বৰা

নিৰ্বাচনী সভা নহয় যেন সংগীতানুষ্ঠানহে; নৃত্য গীতেৰে তিৱা স্বায়ত্ব পৰিষদৰ নিৰ্বাচনী প্ৰচাৰ চলোৱাত ব্যস্ত প্ৰদেশ কংগ্ৰেছৰ সভাপতি ৰিপুন বৰা ৷

বঢ়মপুৰ,11ডিচেম্বৰ : বিটিচি নিৰ্বাচনৰ ভোটগ্ৰহণ অন্ত পৰাৰ লগে লগে এতিয়া তিৱা স্বায়ত্ব শাষিত পৰিষদৰ নিৰ্বাচনী প্ৰচাৰ তুংগত উঠিছে ৷ নৃত্য গীতেৰে তিৱা স্বায়ত্ব শাষিত পৰিষদৰ নিৰ্বাচনী প্ৰচাৰ চলোৱাত ব্যস্ত হৈ পৰিছে কংগ্ৰেছ দল ৷ মধ্য অসমৰ কঠিয়াতলীৰ ৩০ নং লালুংগাঁও আৰু ৩১ নং লালুংপাৰ তিৱা স্বায়ত্ব পৰিষদৰ দুটাকৈ সমষ্টিত কংগ্ৰেছৰ নামি দামী নেতাৰ নিৰ্বাচনী প্ৰচাৰ অভিযান ৷ ন কংগ্ৰেছী তথা কণ্ঠ শিল্পী বাবু বৰুৱাৰ লগতে অজয় ফুকন আৰু টানা দেৱৰাজৰ গীতৰে ৰিপুন বৰাৰ প্ৰচাৰ ৷

তিৱা স্বায়ত্ব শাষিত পৰিষদৰ নিৰ্বাচনত ৩৬ খন আসন লাভ কৰিব কংগ্ৰেছেঃ ৰিপুন বৰা

শুকুৰবাৰে সমষ্টি দুটাৰ জুমৰমুৰ,বৰকছাৰী গাঁও, কঠিয়াতলী, বৰহোলা আৰু বুকলুঙত পাঁচখনকৈ নিৰ্বাচনী সভাত অংশ গ্ৰহণ কৰে কংগ্ৰেছৰ সভাপতি ৰিপুন বৰাই ৷ গীত গাই ডেকা-বুঢ়া সকলোকে নচুৱাই তিৱা পৰিষদীয় সমষ্টি ৰঞ্জিত বসুমতাৰী আৰু শুক্লেশ্বৰী বৰদলৈৰ হৈ প্ৰচাৰ সভাত অংশগ্ৰহণ কৰি ভোট বিচাৰে ৰিপুন বৰাই ৷

ইপিনে ৰাজ্য চৰকাৰে প্ৰদান কৰা ৮৩০ টকীয়া অৰুণোদয় আঁচনিয়ে মহিলা সকলক অপমানহে কৰিছে বুলি মন্তব্য কৰাৰ লগতে বিজেপি দলৰ আঁচনি সমূহক ক্ষূৰধাৰ সমালোচনা কৰে ৰিপুন বৰাই ৷ আনহাতে তিৱা স্বায়ত্ব শাষিত পৰিষদৰ নিৰ্বাচনত ৩৬ খন আসন কংগ্ৰেছ দলে লাভ কৰিব বুলি মন্তব্য কৰে ৰিপুন বৰাই ৷ ইফালে প্ৰফুল্ল কুমাৰ মহন্তৰ সমষ্টিত নিৰ্বাচনী প্ৰচাৰ চলাই আগন্তক বিধান সভা নিৰ্বাচনত অগপ নিশেষ হ’ব বুলিও গুৰুত্বপূৰ্ণ মন্তব্য কৰে প্ৰদেশ কংগ্ৰেছৰ সভাপতি ৰিপুন বৰাই ৷

লগতে পঢ়কঃ চাকৰি দিয়াৰ নামত ধন সংগ্ৰহ কৰা ডাঃ অজন্তা হাজৰিকাৰ স্বামীক আটক