নগাঁও আৰক্ষীৰ জালত নিষিদ্ধ হেৰ'ইনসহ দুই সৰবৰাহকাৰী

ড্ৰাগছৰ বিৰুদ্ধে নগাঁৱৰ হয়বৰগাঁও আৰক্ষীৰ অভিযান ৷ বৃহস্পতিবাৰে হয়বৰগাঁও আৰক্ষীয়ে এক অভিযান চলাই নগাঁৱৰ ছোটৰূপহীৰ পৰা জব্দ কৰিবলৈ সক্ষম হয় নিষিদ্ধ হেৰ'ইন ।

নগাঁও, 21 জানুৱাৰী : নগাঁৱত দিনক দিনে বৃদ্ধি পাবলৈ ধৰিছে নিষিদ্ধ ড্ৰাগছৰ অবৈধ বেহা। তদ্ৰুপ নগাঁও আৰক্ষীয়েও ড্ৰাগছৰ বিৰুদ্ধে অব্যাহত ৰাখিছে অভিযান। বৃহস্পতিবাৰে নগাঁৱৰ হয়বৰগাঁও আৰক্ষীয়ে এক অভিযান চলাই নগাঁৱৰ ছোটৰূপহীৰ পৰা জব্দ কৰিবলৈ সক্ষম হয় নিষিদ্ধ হেৰ'ইন । হয়বৰগাঁও আৰক্ষীৰ এটা দলে চলোৱা অভিযানত হেৰ'ইন জব্দ কৰাৰ লগতে আটক কৰিবলৈ সক্ষম হয় দুটাকৈ সৰবৰাহকাৰীক।

হেৰ'ইন সৰবৰাহত জড়িত থকাৰ অভিযোগত ছোটৰূপহীৰ মামাদুল হাছান আৰু চাদ্দাম হুছেইনক আটক কৰে আৰক্ষীৰ দলটোৱে। ধৃত দুই সৰবৰাহকাৰীক মাৰাথান জেৰা অব্যাহত ৰাখিছে নগাঁও আৰক্ষীয়ে ।

লগতে পঢ়ক: এনআৰচিত নাম নাথাকিলেও দিব পাৰিব ভোট