নগাঁও,8 ফেব্ৰুৱাৰী:সোমবাৰে নগাঁও আৰক্ষীৰ জালত পৰিল মহিলাসহ তিনিজনকৈ ড্ৰাগছ সৰবৰাহকাৰী ৷ জানিব পৰা মতে, সোমবাৰে সন্ধিয়া নগাঁৱৰ হয়বৰগাঁও আৰক্ষী চকীৰ আৰক্ষীৰ এটা দলে গোপন সূত্ৰৰ পম খেদি নগাঁৱৰ চলচলিত অভিযান চলায় ৷
অভিযানত ড্ৰাগছ সৰবৰাহৰ লগত জড়িত মহিলাসহ চলচলিৰ ছাইফুল ইছলাম আৰু জমিৰ আলী নামৰ দুই সৰবৰাহকাৰীক হাতে-লোটে আটক কৰিবলৈ সক্ষম হয় আৰক্ষীৰ দলটোৱে ৷ 12 গ্ৰাম ওজনৰ জব্দ কৃত ড্ৰাগছখিনিৰ বজাৰ মূল্য প্ৰায় 45 হাজাৰ টকা বুলি জানিবলৈ দিয়ে আৰক্ষীয়ে ৷ ইপিনে,ধৃত মহিলাগৰাকীয়ে দীৰ্ঘদিন ধৰি নিজ ঘৰৰ পৰাই ড্ৰাগছৰ বেহা চলাই অহাৰ অভিযোগ উত্থাপন হৈছে ৷
