বটদ্ৰৱাত আৰক্ষীৰ জালত ড্ৰাগছ সৰবৰাহকাৰী

বটদ্ৰৱাত বৃহৎ পৰিমাণৰ ড্ৰাগছসহ আৰক্ষীৰ জালত পৰিছে সৰবৰাহকাৰী । নগাঁও আৰু বটদ্ৰৱা আৰক্ষীয়ে যুটীয়া অভিযান চলাই ভেৰভেৰিৰ পৰা আটক কৰে দুজনকৈ ড্ৰাগছ সৰবৰাহকাৰীক ।

নগাঁও,4 মে’:বটদ্ৰৱাত ড্ৰাগছ সৰহবৰাহৰ ঘটনা ৷ বৃহৎ পৰিমাণৰ ড্ৰাগছসহ দুই সৰবৰাহকাৰী পৰিছে আৰক্ষীৰ জালত । নগাঁও আৰু বটদ্ৰৱা আৰক্ষীৰ যুটীয়া অভিযানত ভেৰভেৰিৰ পৰা আটক কৰা হৈছে দুজনকৈ ড্ৰাগছ সৰবৰাহকাৰীক ৷ সৰবৰাহকাৰী দুজন ক্ৰমে আইনুল হক ওৰফে ভেকুলী আৰু ৰচিদুল হক ৷ সৰবৰাহকাৰী দুজনৰ পৰা আৰক্ষীয়ে 54.81 গ্ৰাম হিৰ’ইনৰ লগতে 72 টা নিচাজাতীয় টেবলেট, ম’বাইল হেণ্ডছেট আৰু নগদ ধন উদ্ধাৰ কৰে ৷

বটদ্ৰৱাত আৰক্ষীৰ জালত দুজন ড্ৰাগছ সৰবৰাহকাৰী

জানিব পৰা মতে, দীৰ্ঘদিন ধৰি এই দুই সৰবৰাহকাৰীয়ে নগাঁও আৰু মৰিগাঁও জিলাৰ বিভিন্ন অঞ্চলত মাৰাত্মক ড্ৰাগছৰ মুকলি বেহা চলাই একপ্ৰকাৰ ত্ৰাসৰ সৃষ্টি কৰি আহিছিল । অৱশেষত নগাঁও আৰু বটদ্ৰৱা আৰক্ষীৰ সহযোগত কৰায়ত্ত কৰা হয় দুই সৰবৰাহকাৰীক ৷

লগতে পঢ়ক : বকোত দুৰ্বৃত্তৰ গুলীত নিহত এজন গাৰো লোক