Police encounter in Nagaon : আৰক্ষীৰ গুলীত আহত কুখ্যাত ড্ৰাগছ মাফিয়া

শুকুৰবাৰৰ নিশা গৰজি উঠিল নগাঁও আৰক্ষীৰ বন্দুক(Police encounter in Nagaon) ৷ জুৰীয়াত সংঘটিত আৰক্ষীৰ গুলীচালনাত আহত(Drugs mafia injured in police encounter) এটা ড্ৰাগছ মাফিয়া ৷ সম্প্ৰতি গুৱাহাটী চিকিৎসা মহাবিদ্যালয় হাস্পতালত চিকিৎসাধীন অৱস্থাত আছে আহত ড্ৰাগছ মাফিয়াটো ৷ আনহাতে, মাফিয়াটোৰ আক্ৰমণত আহত হৈছে এগৰাকী আৰক্ষী জোৱান ৷

নগাঁও, 23 এপ্ৰিল :পুনৰ নগাঁৱত আৰক্ষীৰ এনকাউণ্টাৰ(Police encounter in Nagaon) ৷ আৰক্ষীৰ গুলীচালনাত আহত হৈছে এটা ড্ৰাগছ মাফিয়া ৷

ঘটনাৰ বিৱৰণী অনুসৰি, কলিয়াবৰত শুকুৰবাৰে আটক হৈছিল 5 কোটি টকা মূল্যৰ ড্ৰাগছসহ এটা মাফিয়া ৷ আটকাধীন ড্ৰাগছ মাফিয়াটো জুৰীয়াৰ মইজুল ইছলাম বুলি জানিব পৰা গৈছে ৷ বৃহৎ পৰিমাণৰ ড্ৰাগছৰ সৈতে আটক কৰা মাফিয়াটোক লৈ আৰক্ষীয়ে অভিযান চলাবলৈ যাওঁতেই গুলীচালনাৰ ঘটনাটো সংঘটিত হয় ৷

প্ৰাপ্ত তথ্য অনুসৰি, শুকুৰবাৰে মাফিয়াটোক আৰক্ষীয়ে কৰায়ত্ত কৰাৰ পিছত অধিক তথ্য লাভৰ বাবে আৰক্ষীয়ে চলাইছিল অভিযান ৷ এই অভিযান চলিছিল মাফিয়াটোৰ জুৰীয়াৰ কদমণি পথাৰ গাঁৱৰ বাসগৃহত ৷

আৰক্ষীয়ে অভিযান চলাই থকা অৱস্থাত ড্ৰাগছ মাফিয়াটোৱে এন্ধাৰৰ সুযোগ গ্ৰহণ কৰি দাৰে আক্ৰমণ কৰে আৰক্ষীক ৷ মাফিয়াটোৰ আক্ৰমণত গগৈ উপাধিৰ এগৰাকী আৰক্ষীৰ জোৱান আহত হয় ৷ যাৰবাবে আত্মৰক্ষাৰ্থে আৰক্ষীয়ে গুলীচালনা কৰিবলৈ বাধ্য হয় ৷

আৰক্ষীৰ গুলীয়ে ভৰিত আঘাত কৰে ড্ৰাগছ মাফিয়া(Drugs mafia injured in police encounter) মইজুলৰ ৷ আৰক্ষীৰ গুলীত আহত ড্ৰাগছ মাফিয়াটোক ততালিকে স্থানীয় চিকিৎসালয়ত ভৰ্তি কৰোৱা হয় যদিও পৰৱৰ্তী সময়ত উন্নত চিকিৎসাৰ বাবে জিএমচিএইচলৈ(Drugs mafia admitted in GMCH) প্ৰেৰণ কৰা হয় ৷

লগতে চাওক:Encounter in Nalbari : দৌলাশাল আৰক্ষীৰ গুলীত আহত দুৰ্ধৰ্ষ ডকাইত দিলবাৰ আলী