নগাঁও চহৰত এতিয়া মুক্তভাৱেই সেৱন কৰিব পাৰে নিষিদ্ধ ড্ৰাগছ !

নগাঁৱত সম্প্ৰতি একাংশ যুৱক-যুৱতীয়ে মুক্তভাৱেই সেৱন কৰে নিষিদ্ধ ড্ৰাগছ । লগতে নগাঁৱৰ অলিয়ে গলিয়ে নিষিদ্ধ ড্ৰাগছ উপলব্ধ হয় বুলিও মন্তব্য কৰে একাংশ স্থানীয় ৰাইজে (Banned drugs freely available at Chakitup Fasiroad) ৷

চামগুৰি, 25 জুন: অসম আৰক্ষীয়ে প্ৰত্যেক দিনাই অভিযান চলাই থকাৰ পিছতো অব্যাহত আছে নিচাজাতীয় সামগ্ৰীৰ ব্যৱসায় (Assam Police against drugs) ৷ নিতৌ কৌশল সলনি কৰি ড্ৰাগছ তথা গাঞ্জা ব্যৱসায়ীয়ে অব্যাহত ৰাখিছে এই চোৰাং ব্যৱসায় ৷ ইফালে স্থানীয় ৰাইজৰ অভিযোগ অনুসৰি নগাঁৱত সম্প্ৰতি একাংশ যুৱক-যুৱতীয়ে মুক্তভাৱেই সেৱন কৰে নিষিদ্ধ ড্ৰাগছ । লগতে নগাঁৱৰ অলিয়ে গলিয়ে নিষিদ্ধ ড্ৰাগছ উপলব্ধ হয় বুলিও মন্তব্য কৰে একাংশ স্থানীয় ৰাইজে (Drug smuggling in Chakitup Fanchiroad) ৷

এই ঘটনা নগাঁও চহৰৰ সমীপৱৰ্তী চকিটুপ ফাঁচিৰোডত অঞ্চলৰ । অঞ্চলটোৰ ৰে’লআলিত বহি অতি নিৰ্ভয়ে ড্ৰাগছ সেৱন কৰিছে একাংশই ৷ এই ড্ৰাগছ সেৱনকাৰীক কোনো লোকে বাধা প্ৰদান কৰিলে চোকা অস্ত্ৰৰে মৃত্যুৰ ভাবুকি দিয়ে বুলিও স্থানীয় লোকে মন্তব্য কৰে ৷

এই ক্ষেত্ৰত নগাঁও আৰক্ষীয়ে অভিযান চলাই দুই এক ড্ৰাগছ ব্যৱসায়ীক আটক কৰি জেল হাজোতলৈ প্ৰেৰণ কৰিছে যদিও আইনী সুৰুঙাৰে জামিন লাভ কৰি পুনৰ ড্ৰাগছৰ কলা ব্যৱসায়ত জড়িত হয় সেইসকল ড্ৰাগছ সৰবৰাহকাৰী ।

এই সমগ্ৰ বিষয়টোৰ ওপৰত অসমৰ আৰক্ষীৰ সঞ্চালক প্ৰধানৰ হস্তক্ষেপৰ দাবী জনাইছে নগাঁৱৰ সচেতন মহলে ৷ উল্লেখ্য যে, নগাঁৱত প্ৰথমগৰাকী মহিলা আৰক্ষী অধীক্ষক হিচাপে যোগদান কৰা লীনা দেৱীৰ নেতৃত্বত নগাঁও আৰক্ষীয়ে ড্ৰাগছকে ধৰি বিভিন্ন অপৰাধৰ বিৰুদ্ধে অব্যাহত ৰাখিছে অভিযান (Nagaon Police against drugs) ।

পিছে আজি পৰ্যন্ত অঞ্চলটোত বহুটো ড্ৰাগছৰ ঘাটি চলি থকাৰ অভিযোগ উত্থাপন হোৱাৰ পিছতো নগাঁও আৰক্ষীয়ে কিয় এইক্ষেত্ৰত চকু মুদা কুলিৰ ভাও ধৰি আছে সেয়া ৰহস্য জনক ।

লগতে পঢ়ক:নকল সোণৰ বেপাৰ কৰি 27 লাখ টকাসহ আৰক্ষীৰ জালত ছাহজাহান