নগাঁৱত আৰক্ষীৰ জালত কেইবালক্ষাধিক টকাৰ হেৰ'ইনঃ আটক 2

বৃহস্পতিবাৰে নগাঁৱত জব্দ বৃহৎ পৰিমাণৰ নিচা জাতীয় সামগ্ৰী ৷ নগাঁৱৰ ইছলামপট্টিৰ পৰা আৰক্ষীয়ে জব্দ কৰে বৃহৎ কেইবা লক্ষাধিক টকাৰ হেৰ'ইন ।

নগাঁও, 13 ফেব্ৰুৱাৰীঃ অপৰাধৰ ৰম্যভূমিলৈ পৰিণত নগাঁও জিলা ৷ এটাৰ পাচত আন এটা অপৰাধজনিত ঘটনাই শংকিত কৰি তুলিছে নগাঁৱৰ সচেতন মহলক ৷ বৃহস্পতিবাৰে নগাঁও আৰক্ষীৰ আন এক সফল অভিযান। এইবাৰ জব্দ কেইবালক্ষাধিক টকাৰ হেৰ'ইন । ডিমাপুৰৰ পৰা বহিঃৰাজ্যলৈ সৰবৰাহ কৰা দুই ব্যৱসায়ী আৰক্ষীৰ জালত । নগাঁৱৰ ইছলামপট্টিৰ পৰা আৰক্ষীয়ে জব্দ কৰে বৃহৎ পৰিমাণৰ হেৰ'ইন। লগতে আটক কৰে ছিলঙনীৰ খুৰচিদ আলী আৰু ভকতগাঁৱৰ মজিবুৰ ৰহমানক। ঘটনা সন্দৰ্ভত তদন্ত চলাই আছে নগাঁও আৰক্ষীয়ে ৷