নগাঁও, 10 এপ্ৰিলঃচৰকাৰৰ আহ্বানৰ প্ৰতি সঁহাৰি জনাই ধিঙৰ বেছামাৰী গাঁৱৰ গেৰেকনি বালিকা মোক্তাব বিদ্যালয়ৰ প্ৰধান শিক্ষক আব্দুল খালেক ওলাই আহিছে দৰিদ্ৰ লোকক সহায়ৰ বাবে । নিজ অঞ্চলৰ প্ৰায় ৫০ জনৰো অধিক দৰিদ্ৰ পৰিয়ালক চাউল, দাইল, নিমখ, পিঁয়াজ, মিঠাতেলকে ধৰি অত্যাৱশ্যকীয় সামগ্ৰী প্ৰদান কৰে শিক্ষকগৰাকীয়ে ।
ইয়াৰোপৰি দিন হাজিৰাৰে পৰিয়াল চলোৱা ২০০ টাকৈ দৰিদ্ৰ পৰিয়ালক খাদ্য সামগ্ৰী প্ৰদান কৰে বটদ্ৰৱাৰ কুঁজি সত্ৰৰ ২৪ গৰাকী চৰকাৰী কৰ্মচাৰীয়ে । বটদ্ৰৱা সমষ্টিৰ বৰছিলা পঞ্চায়তৰ অন্তগৰ্ত কুঁজি সত্ৰৰ ২০০ টা পৰিয়ালৰ ঘৰে ঘৰে গৈ দূৰত্ব বজাই ৰাখি শৃংখলাবদ্ধভাৱে খাদ্য সামগ্ৰীৰ টোপোলা প্ৰদান কৰে লোকসকলে ।
ৰৈ নাথাকিল বটদ্ৰৱা আঞ্চলিক ছাত্ৰ সন্থাও । হাতে হাতে খাদ্য সামগ্ৰীৰ টোপোলা লৈ ২৫০ টা পৰিয়ালক বিতৰণ কৰিলে বটদ্ৰৱা আঞ্চলিক ছাত্ৰ সন্থাই ।
বটদ্ৰৱাত দৰিদ্ৰ লোকলৈ সাহাৰ্য আৰু আৰোগ্য নিধিলৈ অনুদান ভিন্নজনৰ