ৰূপহীহাট, 22 মে’: নগাঁৱৰ ৰূপহীহাটত আৰক্ষীৰ অভিযানত আটক হৈছে এটা কুখ্যাত ডকাইত । ধৃত ডকাইতটো ড্ৰাগছ সৰবৰাহৰ সৈতে জড়িত থকাৰ সন্দেহ কৰিছে স্থানীয় ৰাইজে ৷ ৰূপহীহাটৰ গুনাবাৰীৰ পৰা আটক কৰা ডকাইতটোৰ নাম দিল বাহাদুৰ মড়ল বুলি জানিব পৰা গৈছে ৷ আটকাধীন ডকাইতটো মৰিগাঁও জিলাৰ বুঢ়াবুঢ়ীৰ বাসিন্দা বুলি জানিব পৰা গৈছে ৷
জানিব পৰা মতে, ডকাইতটোৱে গুনাবাৰীত আন তিনিটা ডকাইতৰ সৈতে বাহৰ পাতি আছিল । কিন্তু আৰক্ষীৰ অভিযানৰ উমান পাই পলাই সাৰিবলৈ সক্ষম হয় আন তিনি ডকাইত ।