বটদ্ৰৱা, 28 এপ্ৰিলঃ লক ডাউনত আটাইতকৈ বেছি ক্ষতিগ্রস্ত হৈছে চৰ চাপৰিৰ কৃষক সকল, কিয়নো উৎপাদিত শস্য বিক্ৰী কৰিব নোৱাৰাৰ ফলত পথাৰতে গেলিছে শাক পাচলি । যাৰ বাবেই এই সকল চৰ চাপৰিৰ কৃষকৰ মাজত হাহাকাৰ পৰিস্থিতিৰ সৃষ্টি হৈছে। চৰকাৰী অভিলাষী আঁচনিয়ে ঢুকি নোপোৱা এই অঞ্চল সমূহত লক ডাউনৰ সময় চোৱাতো নাপালে কোনো ধৰণৰ চৰকাৰী সাহাৰ্য।
আনকি লক ডাউনৰ সময়ত শিশু সকলৰ বাবে সমাজ কল্যাণ বিভাগে আগবঢ়োৱা ধনো উদৰস্থ কৰিলে সমাজ কল্যাণ বিভাগৰ বিষয়া কৰ্মচাৰীৰ লগতে চৰাঞ্চলৰ একাংশ মাতব্বৰে । লক ডাউনৰ সময়তো অংগনবাদী কৰ্মীসকলে মেকুৰীক আহাৰ দিয়াৰ দৰে এমুঠি চাউল আৰু এমুঠি দালি দিয়ে আবন্টিত সমুদায় টকা আত্মসাৎ কৰাৰ অভিযোগ স্থানীয় ৰাইজ আৰু অভিভাৱকৰ । অকল অংগনবাদী কেন্দ্ৰতেই নহয় চৰাঞ্চলত থকা কুৰিখনতকৈ অধিক নতুন প্ৰাথমিক বিদ্যালয় সমূহতো অনুৰূপ ঘটনা সংঘটিত হৈছে ।
ধিঙৰ চৰ চাপৰিত মাতব্বৰ ৰাজ !