নগাঁও, 22 মে’: বটদ্ৰৱা আৰক্ষী থানা আক্ৰমণৰ ঘটনাৰ তদন্তৰ বাবে বিশেষ আৰক্ষী সঞ্চালক প্ৰধান জি পি সিঙৰ নিৰ্দেশ মৰ্মে গঠন কৰা হৈছে বিশেষ তদন্তকাৰী দল(Special investigation team for Batadrava incident) । আৰক্ষী থানা আক্ৰমণৰ ঘটনাৰ আঁৰত জেহাদী শক্তি জড়িত আছে নেকি সেই বিষয়েও তদন্ত কৰা হ’ব বুলি জানিবলৈ দিছে অসম আৰক্ষীৰ বিশেষ সঞ্চালক প্ৰধানগৰাকীয়ে ।
বটদ্ৰৱা আৰক্ষী থানা আক্ৰমণৰ ঘটনাৰ তদন্তৰ বাবে এছ আই টি গঠন
ঘটনাৰ ভিডিঅ’ ফুটেজৰ পৰা দোষীক চিনাক্ত কৰা হ'ব বুলি শনিবাৰে আৰক্ষী অধীক্ষক লীনা দলেই(Nagaon SP Leena Doley) মন্তব্য কৰাৰ পাছত দেওবাৰে সঞ্চালক প্ৰধানগৰাকীয়েও অনুৰূপ মন্তব্য প্ৰকাশ কৰে । আনহাতে একাংশ উত্তেজিত লোকে বটদ্ৰৱা থানা জ্বলাই দিয়া ঘটনাত জড়িত 21 জনকৈ লোকক ইতিমধ্য নগাঁও আৰক্ষীয়ে আটক কৰিছে (Batadrava Police Station incident accused arrested) ৷ ইয়াৰে ১৫ গৰাকী মহিলা ৷