কামপুৰত পিস্তল দেখুৱাই চলন্ত বাহনৰ পৰা দুৰ্বৃত্তই লুটি নিলে ধন

নগাঁও জিলাৰ লুটুমাৰী শিৱ মন্দিৰৰ সমীপৰ পৰা দুৰ্বৃত্তই পিস্তল দেখুৱাই চুইফ ডিজায়াৰ গাড়ীৰে আহি থকা দুজন যুৱকৰ পৰা লুটি নিলে ৩৮ হাজাৰ ৪০০ টকা ৷ স্কুটি আৰু বাইকত আহিছিল পাঁচজনীয়া দূৰ্বৃত্তৰ দলটো ৷

নগাঁও, ৪ অক্টোবৰঃদূৰ্গা পূজাৰ প্ৰাকক্ষণত বঢ়মপুৰৰ কামপুৰত শুক্ৰবাৰে সংঘটিত হয় দিন ডকাইতিৰ ঘটনা ৷ নগাঁও জিলাৰ কামপুৰ থানা অন্তৰ্গত কামপুৰ লুটুমাৰীৰ শিৱমন্দিৰৰ সমীপত সংঘটিত হয় এই ঘটনা ।

নগাঁও জিলাৰ লুটুমাৰী শিৱ মন্দিৰৰ সমীপৰ পৰা দুৰ্বৃত্তই পিস্তল দেখুৱাই চুইফ ডিজায়াৰ গাড়ীৰে আহি থকা দুজন যুৱকৰ পৰা লুটি নিলে ৩৮ হাজাৰ ৪০০ টকা ৷ স্কুটি আৰু বাইকত আহিছিল পাঁচজনীয়া দুৰ্বৃত্তৰ দলটো ৷ দুৰ্বৃত্তৰ আক্ৰমণত ইকবাল হুছেইন চৌধুৰী নামৰ যুৱকজন আহত হোৱাৰ লগতে দুৰ্বৃত্তৰ দলটোৱে ক্ষতি কৰে AS21E 7770 নম্বৰৰ চুইফ ডিজায়াৰা গাড়ীখন ৷

যুৱক দুজন কচুৱাৰ পৰা মৰিগাঁৱলৈ গৈ থকা অৱস্থাত সংঘটিত হয় ডকাইতিৰ ঘটনাটো ৷ ঘটনা সংঘটিত কৰিয়েই পলায়ন কৰে ডকাইতৰ দলটো । ইতিমধ্যে ঘটনা সন্দৰ্ভত কামপুৰ আৰক্ষী থানাত আহত ইকবাল হুছেইন চৌধুৰীয়ে দাখিল কৰা এজেহাৰৰ ভিত্তিত আৰক্ষীয়ে তদন্ত আৰম্ভ কৰিছে।