নগাঁও, 9 আগষ্টঃনগাঁৱৰ কলঙত প্ৰায় উৱলি যোৱা অৱস্থাত উদ্ধাৰ এটা অচিনাক্ত মৃতদেহ । দেওবাৰে পুৱাই নগাঁও চহৰৰ আনন্দৰাম ঢেকিয়াল ফুকন দলঙৰ তলৰ কলঙত মৃতদেহটো উপঙি থকা প্ৰত্যক্ষ কৰি স্থানীয় লোকে খবৰ দিয়ে আৰক্ষীক । ঘটনাস্থলীত নগাঁও আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । মৃতদেহটো এজন পুৰুষৰ বুলি জানিব পৰা গৈছে যদিও এই পৰ্যন্ত উদ্ধাৰ হোৱা নাই মৃতদেহটোৰ কোনো পৰিচয় । কি পৰিস্থিতিত লোকজনৰ মৃত্যু হৈছে সেই সন্দৰ্ভতো পোহৰলৈ অহা নাই কোনো তথ্য । ঘটনা সম্পৰ্কত আৰক্ষীয়ে আৰম্ভ কৰিছে তদন্ত ।
নগাঁৱৰ কলঙত উদ্ধাৰ অচিনাক্ত মৃতদেহ