ননৈ নদীত উদ্ধাৰ মৃতদেহ

কলিয়াবৰত ননৈ নৈৰ পৰা এটা মৃতদেহ উদ্ধাৰ হৈছে ৷ উদ্ধাৰ মৃতদেহটো ননৈ চাহ বাগিচাৰ নৃপেন কৰ্মকাৰৰ ৷

কলিয়াবৰ, 4 আগষ্টঃকলিয়াবৰ মহকুমাৰ চামগুৰি আৰক্ষী নিৱেশৰ অন্তৰ্গত ননৈ নদীত উদ্ধাৰ হৈছে এটা মৃতদেহ । স্থানীয় লোকৰ খবৰৰ ভিত্তিত নদীত উটি অহা অৱস্থাত দেওবাৰে মৃতদেহটো উদ্ধাৰ কৰে চামগুৰি আৰক্ষীয়ে । আৰক্ষীৰ প্ৰাথমিক তদন্তত মৃতদেহটো ননৈ বাগিচাৰ নৃপেন কৰ্মকাৰৰ বুলি জানিব পৰা গৈছে । যোৱা শনিবাৰৰ পৰা মৃত নৃপেন কৰ্মকাৰ ঘৰৰ পৰা সন্ধানহীন হৈ আছিল বুলি স্থানীয় বাসিন্দাই জনাইছে । মৃতদেহটো মৰণোত্তৰ পৰীক্ষাৰ বাবে নগাঁও অসামৰিক চিকিৎসালয়লৈ প্ৰেৰণ কৰিছে চামগুৰি আৰক্ষীয়ে ।