ৰাষ্ট্ৰীয় ঘাইপথৰ সমীপত উদ্ধাৰ মৃতদেহ

সোমবাৰে নগাঁও জিলাৰ ননৈৰে পাৰ হৈ যোৱা ৩৬নং ৰাষ্ট্ৰীয় ঘাইপথটোৰ সমীপতে উদ্ধাৰ হৈছে এটা মৃতদেহ । অঞ্চলটোত থকা শ'লমাৰি পেট্ৰ'ল পাম্পৰ কাষৰ এটা পুখুৰীত উদ্ধাৰ হৈছে মৃতদেহটো ।

নিউজ ডেস্ক,১০আগষ্ট: সোমবাৰে ননৈৰ শ'লমাৰি পেট্ৰ'ল পাম্পৰ কাষৰে এটা পুখুৰীত স্থানীয় লোকে প্ৰত্যক্ষ কৰিলে মৃতদেহটো । ইয়াৰ পিছতে অঞ্চলটোত সৃষ্টি হয় চাঞ্চল্যৰ ।

ঘটনা সন্দৰ্ভত আৰক্ষীক অৱগত কৰাত ননৈ আৰক্ষীয়ে ঘটনাস্থলীত উপস্থিত হৈ মৃতদেহটো উদ্ধাৰ কৰাৰ লগতে আৰম্ভ কৰিছে তদন্ত ।

মৃত লোকজনক সেই স্থানত থকা পুখুৰীটোলৈ চোচৰাই নিয়াৰ চিন স্পষ্ট হৈ থকাত এয়া এক হত্যাকাণ্ডৰ অন্তত পুখুৰীটোলৈ টানি নি পেলাই থৈ যোৱাৰ সন্দেহ কৰিছে স্থানীয় ৰাইজে । অৱশ্যে মৃত লোকজনক বৰ্তমানলৈকে চিনাক্ত কৰিব পৰা নাই আৰক্ষীয়ে ।