সজাগতা সৃষ্টিৰ লক্ষ্যৰে চাইকেলেৰে অসম ভ্ৰমণ যুৱকৰ

পৰিৱেশ সংৰক্ষণৰ সজাগতা সৃষ্টিৰ লক্ষ্যৰে চাইকেলেৰে অসম ভ্ৰমণ কৰিব নগাঁৱৰ এজন যুৱকে । সোমবাৰে নগাঁৱৰ যুৱকজনে আৰম্ভ কৰে এই যাত্ৰা । প্ৰকৃতিপ্ৰেমী সংগঠনৰ সৈতে জড়িত যুৱকজনে প্ৰদূষণ ৰোধৰ বাবে সম্ভৱ অনুযায়ী সকলোকে চাইকেল চলাবলৈ আহ্বান জনায় ৷

নগাঁও,16 ফেব্ৰুৱাৰীঃ পৰিৱেশ সংৰক্ষণৰ সজাগতা সৃষ্টিৰ উদ্দেশ্যে নগাঁৱৰ এজন যুৱকে গ্ৰহণ কৰিছে ব্যতিক্ৰমী পদক্ষেপ । জাজৰিৰ খনীন্দ্ৰ সপোন নামৰ যুৱকজনে চাইকেলেৰে সমগ্ৰ অসম ভ্ৰমণ কৰিবলৈ আৰম্ভ কৰে এই যাত্ৰা । সোমবাৰে নগাঁৱৰ পৰা উজনি অসম অভিমুখে চাইকেল যাত্ৰা আৰম্ভ কৰে খনীন্দ্ৰই ৷

উল্লেখ্য যে, গছপুলি ৰোপণৰ আহ্বানেৰে নগাঁৱৰ পৰা যাত্ৰা আৰম্ভ কৰা যুৱকজনে যোৰহাট, ডিব্ৰুগড়, তিনিচুকীয়ালৈ যাব । পৰৱৰ্তী সময়ত নামনি অসমলৈ যাত্ৰা কৰিব যুৱকজনে । পৰিৱেশ সংৰক্ষণৰ সজাগতা সৃষ্টিৰ উদ্দেশ্যে আৰম্ভ কৰা যুৱকজনৰ এই পদক্ষেপক প্ৰশংসা কৰিছে প্ৰকৃতিপ্ৰেমী সংগঠনসমূহে ৷

লগতে পঢ়কঃবাঁহীবাদক প্ৰভাত শৰ্মাৰ দেহাৱসান