Oil Theft in Nagaon: নগাঁৱত পাইপ ফুটাই চোৰে লৈ গ’ল খাৰুৱা তেল

ৰাজ্যত সক্ৰিয় হৈ আছে তেল চুৰি চক্ৰ ৷ মঙলবাৰে নিশা নগাঁৱত পাইপ কাটি চোৰে লৈ গ’ল খাৰুৱা তেল (Crude oil theft in Nagaon)৷ অঞ্চলজুৰি খাৰুৱা তেল বিয়পি থকাত আতংকিত হৈ পৰে স্থানীয় লোক ৷

নগাঁও, 23 ফেব্ৰুৱাৰী: নগাঁৱত এইবাৰ সক্ৰিয় হৈ পৰিছে তেল চোৰ চক্ৰ ৷ নগাৱঁৰ কৃষ্ণাইঘাট পথাৰত সংঘটিত হোৱা তেল চুৰিৰ ঘটনাক লৈ আতংকিত হৈ পৰিছে স্থানীয় লোক (Crude oil theft in Nagaon) ৷

মঙলবাৰে নিশা তেল চোৰ চক্ৰই কৃষ্ণাই ঘাটৰ পথাৰৰ মাজেৰে যোৱা খাৰুৱা তেল পৰিবাহী পাইপ ফুটাই চুৰি কৰি নিয়ে খাৰুৱা তেল৷ পুৱা গৰু এৰাল দিবলৈ গৈ স্থানীয় লোকে খাৰুৱা তেল পৰিবাহী পাইপ থকা স্থানত দুটা গাঁত আৰু তেল বিয়পি থকা প্ৰত্যক্ষ কৰি আৰক্ষীক খবৰ দিয়ে ।

ঘটনাস্থলীত আৰক্ষীয়ে উপস্থিত হৈ কিছু আপত্তিজনক সামগ্ৰী উদ্ধাৰ কৰি তদন্ত আৰম্ভ কৰে ৷ নগাঁৱত খাৰুৱা তেল চুৰি চক্ৰ এনেদৰে সক্ৰিয় হোৱা ঘটনাই চাঞ্চল্যৰ সৃষ্টি কৰিছে ৷

লগতে পঢ়ক:Sensation in Rangapara: পিটনিত ওলাল সন্ধানহীন চোৰৰ মৃতদেহ