দুৰ্ঘটনাত প্ৰাণ গ'ল এগৰাকী ক’ভিড যোদ্ধাৰ

নগাঁৱত শোকাৱহ দুৰ্ঘটনা। দ্ৰুতবেগী ট্ৰেভেলাৰৰ খুন্দাত প্ৰাণ গ'ল এগৰাকী ক’ভিড যোদ্ধাৰ।

নগাঁও,19আগষ্টঃ মঙলবাৰে বিয়লি নগাঁৱৰ খুটিকটিয়াত সংঘটিত হয় এক শোকাৱহ পথ দুৰ্ঘটনা। এখন দ্ৰুতবেগী ট্ৰেভেলাৰৰ খুন্দাত প্ৰাণ গ'ল এজন ক’ভিড যোদ্ধাৰ। নগাঁও চহৰৰ নেহেৰুৱালীৰ ক’ভিড স্ক্ৰিনিং চেণ্টাৰত নিজৰ কৰ্তব্য পালন কৰি ঘৰ অভিমুখে ৰাওনা হোৱা ক’ভিড যোদ্ধাগৰাকী পতিত হয় দুৰ্ঘটনাত।

ক’ভিড স্ক্ৰিনিং কেন্দ্ৰত কৰ্মৰত মৈৰাবাৰীৰ ইকবাল হুছেইন বাইকেৰে গৈ থকা অৱস্থাত AS-01B-0483 নম্বৰৰ ট্ৰেভেলাৰখনে খুন্দিওৱাৰ ফলত থিতাতে নিহত হয়। ইপিনে দুৰ্ঘটনা সংঘটিত কৰা ট্ৰেভেলাৰখন জব্দ কৰিবলৈ সক্ষম হয় নগাঁও আৰক্ষী।

লগতে পঢ়কঃবিহালী স্নাতক মহাবিদ্যালৰ পৰ্যালোচনা সভাত মন্ত্ৰী ৰঞ্জিত দত্ত