নগাঁও,16 জানুৱাৰীঃনগাঁৱতো শনিবাৰৰ পৰা আৰম্ভ হৈছে ক’ভিড- ১৯ ৰ টিকাকৰণ । সমগ্ৰ বিশ্বতে ক’ভিড-১৯ৰ মহামাৰীয়ে ত্ৰাসৰ সৃষ্টি কৰাৰ পিছত অৱশেষত আৰম্ভ হৈছে ক’ভিড ১৯ ৰ টিকাকৰণ । শনিবাৰৰ পৰা সমগ্ৰ দেশতে টিকাকৰণ আৰম্ভ হোৱাৰ সমান্তৰালকৈ নগাঁৱতো আৰম্ভ হৈছে টিকাকৰণ ।
নগাঁও ভোগেশ্বৰী ফুকননী অসামৰিক চিকিৎসালয়ত প্ৰথমে চিকিৎসকসকলক টিকাকৰণ কৰাৰ পিছত স্বাস্থ্য কৰ্মীসকলক টিকাকৰণ আৰম্ভ হয় । একে সময়তে নগাঁৱৰ কঠীয়াতলী হস্পিতালতো আৰম্ভ কৰা হৈছে টিকাকৰণ । প্ৰথম দিনাই নগাঁৱৰ ভোগেশ্বৰী ফুকননী অসামৰিক চিকিৎসালয়ত এশজনক টিকাকৰণ কৰাৰ সমান্তৰালকৈ কঠীয়াতলি হস্পিতালতো এশজনক দৈনিক টিকাকৰণ কৰা হ'ব বুলি অৱগত কৰে জিলা উপায়ুক্ত কবিথা পদ্মনাভনে ।
লগতে পঢ়কঃ সংকটজনক অৱস্থাত চিকিৎসাধীন প্ৰাক্তন মুখ্যমন্ত্ৰী প্ৰফুল্ল কুমাৰ মহন্ত
