কলিয়াবৰ, 19 এপ্ৰিল : দেশত দ্ৰুত হাৰত বৃদ্ধি পাবলৈ ক'ৰণা আক্ৰান্ত লোকৰ সংখ্যা ৷ ইয়াৰ সামন্তৰালভাৱে অসমটো এক আতংকময় পৰিবেশ সৃষ্টি হৈছে ৷ ৰাজ্যখনৰ প্ৰতিখন জিলাতে ক্ৰমাৎ বৃদ্ধি পাইছে ক'ৰণা আক্ৰান্ত লোকৰ সংখ্যা ৷ গুৱাহাটীত সৰ্বাধিক হাৰত বৃদ্ধি পাইছে ক'ৰণা আক্ৰান্ত সংখ্যা ৷
শিলঘাট ৰে'ল ষ্টেচনত পুনৰ এজনৰ দেহত ক'ৰণা
ঠিক সেইদৰে নগাঁও জিলাৰ শিলঘাট ৰে'ল ষ্টেচনত পুনৰ এগৰাকী দেহত ক'ৰণা উপস্থিতি পোৱা যায় ৷ ৰাজ্যৰাণী এক্সপ্ৰেছৰ যাত্ৰী গৰাকীক শিলঘাট ৰেল ষ্টেচনত স্বাস্থ্য বিভাগে কৰা পৰীক্ষাত ক'ৰণা উপস্থিতি পোৱা যায় । 70 বছৰীয়া আব্দুল জলিল নামৰ যাত্ৰী গৰাকীৰ ঘৰ নগাঁৱৰ কচলুখোৱা ইছলাম পট্টিত বুলি জানিব পৰা গৈছে । শিলঘাটৰ অশোকাষ্টমী মেলালৈ বুলি আহিছিল ব্যক্তিজন ৷