ভিডিঅ’ৰে কৰ’ণাৰ সজাগতাৰ প্ৰয়াস এটি কণমানিৰ

পুৰণিগুদামৰ কণমানি ঋদিশা বৰুৱাৰ সামাজিক মাধ্যমৰ জৰিয়তে কৰ’ণাৰ বিৰুদ্ধে সজাগতাৰ প্ৰয়াস ৷ অঞ্চলবাসীক ক’ভিড প্ৰট’কল মানি চলিবলৈ আহ্বান কণমানিটিৰ ৷

চামগুৰি,23 এপ্ৰিল : সমগ্ৰ দেশৰ লগতে ৰাজ্যতো কৰ’ণাৰ বিভীষিকা ৷ নগাঁও জিলাৰ লগতে চামগুৰি আৰু পুৰণিগুদামতো একাধিক লোকৰ দেহলৈ সংক্ৰমিত হৈছে ক’ভিভ-19ৰ দ্বিতীয়টো প্ৰবাহ ।

বৃহত্তৰ অঞ্চলজুৰি আতংকগ্ৰস্ত ৰাইজৰ মাজতে পুৰণিগুদামৰ এটি কণমানিয়ে সামাজিক মাধ্যমৰ জৰিয়তে কৰ’ণাৰ বিৰুদ্ধে সজাগতা বিয়পোৱাৰ প্ৰয়াস কৰিছে ৷ ঋদিশা বৰুৱা নামৰ কণমানিটিয়ে এটি ভিডিঅ’ ক্লিপৰ জৰিয়তে অঞ্চলবাসীক ক’ভিড বিধি পালন কৰিবলৈ আহ্বান জনায় ৷

উল্লেখ্য যে, পুৰণিগুদামৰ ভাস্কৰ্য শিল্পী প্ৰাৰ্থ প্ৰতিম বৰুৱাৰ চাৰিবছৰীয়া কন্যা ঋদিশাই বিগত লকডাউনৰ সময়তো অনুৰূপ ধৰণেৰে ভিডিঅ’ৰ জৰিয়তে কৰা সজাগতাৰ প্ৰয়াসক প্ৰশংসাৰে উপচাই পেলায় বহু শুভাকাংক্ষীয়ে ।

লগতে পঢ়ক :বিলাসীপাৰাত পুনৰ এগৰাকী মহিলা ক'ভিড-১৯ত আক্ৰান্ত