নগাঁৱত কংগ্ৰেছৰ বিশাল ৰেলী

মঙলবাৰে নগাঁৱত কংগ্ৰেছ প্ৰাৰ্থী শান্তনু শৰ্মাৰ হৈ প্ৰচাৰ চলালে ৰকিবুল হুছেইনে ৷ নগাঁও চহৰৰ লক্ষীনগৰৰ পৰা চহৰ খনৰ মাজেৰে ৰেলী উলিয়াই উপস্থিত হয় নগাঁও ৰাজীৱ ভৱনত।

নগাঁও,30 মাৰ্চ:১ এপ্ৰিলত দ্বিতীয় পৰ্যায়ত অনুষ্ঠিত হ’বলগীয়া বিধানসভা নিৰ্বাচনৰ প্ৰচাৰৰ মঙলবাৰে অন্তিম দিনা ব্যাপকভাৱে প্ৰচাৰ চলোৱা দেখা গ’ল ৰাজনৈতিক দল সমূহে । দ্বিতীয় পৰ্যায়ত অনুষ্ঠিত হ’বলগীয়া নগাঁও সদৰ সমষ্টিৰ কংগ্ৰেছ প্ৰাৰ্থী শান্তনু শৰ্মাই শক্তি প্ৰদৰ্শনৰ বাবে উলিওৱা দেখা যায় বিশাল ৰেলী ।

উল্লেখযোগ্য যে, নগাঁও চহৰৰ লক্ষীনগৰৰ পৰা চহৰ খনৰ মাজেৰে ৰেলী উলিয়াই উপস্থিত হয় নগাঁও ৰাজীৱ ভৱনত । কংগ্ৰেছৰ প্ৰচাৰ ৰেলীত উপস্থিত থাকে প্ৰাক্তন মন্ত্ৰী তথা জ্যেষ্ঠ কংগ্ৰেছ নেতা ৰকিবুল হুছেইন । এইবাৰ নগাঁও সদৰ সমষ্টিত শান্তনু শৰ্মাৰ জয় নিশ্চিত বুলি দাবী কৰে ৰকিবুল হুছেইনে ।

লগতে পঢ়কঃ মন্ত্ৰী হিমন্ত বিশ্ব শৰ্মাৰ সৈতে এক আছুতীয়া সাক্ষাৎকাৰ