চামগুৰি, পাঠশালা, গুৱাহাটী , 6 ছেপ্তেম্বৰ :ৰাজ্যত কৰ'ণাৰ সংক্ৰমণ হ্ৰাস পোৱাৰ পৰিপ্ৰেক্ষিত ৰাজ্য চৰকাৰৰ নীতি নিৰ্দেশনা মানি আজিৰে পৰা শিক্ষানুষ্ঠানসমূহত চূড়ান্ত বৰ্ষৰ পাঠদান আৰম্ভ হৈছে ৷ দীৰ্ঘদিনৰ বিৰতিৰ অন্তত আজিৰ পৰা পুনৰ আৰম্ভ হল বিদ্যালয় মহাবিদ্যালয়ৰ পাঠদান । ছাত্ৰ ছাত্ৰীৰ কোলাহলত মুখৰিত হৈছে বিদ্যালয় মহাবিদ্যালয়সমূহৰ বাকৰি । চৰকাৰে বান্ধি দিয়া ক'ভিড নীতি নিৰ্দেশনা মানি মহানগৰীৰ শিক্ষানুষ্ঠান সমূহত আজিৰে পাঠদান আৰম্ভ হৈছে ।
ৰাজ্য চৰকাৰৰ SOP মানি পাঠদান আৰম্ভ হোৱাত ৰাজ্যৰ অন্য প্ৰান্তৰ সমান্তৰালকৈ বটদ্ৰৱাতো ঐতিহ্যমণ্ডিত বটদ্ৰৱা শ্ৰীশ্ৰী শংকৰদেৱ মহাবিদ্যালয়ত বহুদিনৰ পাছত শিক্ষাগুৰু আৰু ছাত্ৰ-ছাত্ৰীসকলে মহাবিদ্যালয় প্ৰাংগনত ইজনে সিজনক লগ পাই উৎফুল্লিত হৈ পৰে । চৰকাৰৰ নিৰ্দেশনা মানি শ্ৰেণীকোঠাত ৩০ গৰাকী ছাত্ৰ ছাত্ৰীৰ উপস্থিতিত বটদ্ৰৱা শ্ৰীশ্ৰী শংকৰদেৱ মহাবিদ্যালয়ে পাঠদান আৰম্ভ কৰে ৷