নগাঁও,19 অক্টোবৰ : সোমবাৰে প্ৰাক্তন মন্ত্ৰী তথা বিৰোধী দলৰ উপ দলপতি ৰকিবুল হুছেইনৰ চামগুৰি সমষ্টিৰ শালপাৰাত অনুষ্ঠিত হোৱা এক দলীয় সভাত অংশগ্ৰহণ মুখ্যমন্ত্ৰী সৰ্বানন্দ সোণোৱালৰ । উক্ত সভাত কংগ্ৰেছক তীব্ৰ সমালোচনা কৰে মুখ্যমন্ত্ৰী গৰাকীয়ে ৷ বিজেপিৰ সংখ্যালঘু মৰ্চাৰ ৰাজ্যিক কাৰ্যনিৰ্বাহক সভাখনত মুখ্যমন্ত্ৰী সোণোৱালৰ লগতে ৰাজ্যিক বিজেপিৰ সভাপতি ৰঞ্জিত দাসেও অংশগ্ৰহণ কৰে ।
সভাত অংশগ্ৰহণ কৰি সংখ্যালঘুৰ উন্নয়ন সন্দৰ্ভত মন্তব্য আগবঢ়ায় মুখ্যমন্ত্ৰী সোণোৱালে ৷ বিগত সময়ছোৱাত কংগ্ৰেছ চৰকাৰে ধৰ্মীয় সংখ্যালঘুসকলক কেৱল ক্ষমতা দখলৰ স্বাৰ্থত ব্যৱহাৰ কৰি অহা বুলি মন্তব্য কৰি বিজেপি চৰকাৰে সকলোৰে সমউন্নয়ন কৰাৰ কথা উল্লেখ কৰে ।
বিধায়ক ৰকিবুল হুছেইনৰ দুৰ্গত মুখ্যমন্ত্ৰী সৰ্বানন্দ সোণোৱাল