ধিং আৰক্ষী থানাৰ নৱনিৰ্মিত ভৱন উদ্বোধন মুখ্যমন্ত্ৰী সৰ্বানন্দ সোণোৱালৰ

অসম চৰকাৰৰ মৈত্ৰী আঁচনিৰ অধীনত 1 কোটি 17 লাখ টকা ব্যয় সাপেক্ষে নিৰ্মান কৰা ধিং আৰক্ষী থানাৰ নৱনিৰ্মিত ভৱন উদ্বোধন কৰে মুখ্যমন্ত্ৰী সৰ্বানন্দ সোণোৱালে ৷ আনহাতে, উক্ত উদ্বোধনী সভাতে ধিং এক্সপ্ৰেছ হিমা দাসৰ প্ৰশংসাত পঞ্চমুখ হৈ পৰে মুখ্যমন্ত্ৰীগৰাকী ৷

ধিং, 15 নৱেম্বৰঃ নগাঁও জিলাৰ ধিঙত মুখ্যমন্ত্ৰী সৰ্বানন্দ সোণোৱাল ৷ মুখ্যমন্ত্ৰীগৰাকীয়ে উদ্বোধন কৰে ধিং আৰক্ষী থানাৰ নৱনিৰ্মিত অত্যাধুনিক ভৱন ৷ অসম চৰকাৰৰ মৈত্ৰী আঁচনিৰ অধীনত 1 কোটি 17 লাখ টকা ব্যয় সাপেক্ষে নিৰ্মান কৰা হয় আৰক্ষী থানাৰ নৱনিৰ্মিত ভৱনটো ৷

উল্লেখ্য যে, উক্ত ভৱনটোৰ উদ্বোধনী অনুষ্ঠানত ভাষণ প্ৰদান কৰি মুখ্যমন্ত্ৰীগৰাকীয়ে কয় যে, আৰক্ষী তথা জনসাধাৰণে যৌথভাৱে মিলি অপৰাধীক নিঃশেষ কৰি সমাজত শান্তি, সম্প্ৰীতি আৰু ভাতৃত্ববোধ গঢ় দিব লাগিব ৷ আনহাতে, উক্ত সভাতে ধিং এক্সপ্ৰেছ হিমা দাসৰ প্ৰশংসাতো পঞ্চমুখ হৈ পৰে মুখ্যমন্ত্ৰীগৰাকী ৷

উক্ত অনুষ্ঠানত মুখ্যমন্ত্ৰীগৰাকীক সংগ দিয়ে বটদ্ৰৱা সমষ্টিৰ বিধায়িকা আঙুৰলতা ডেকা, নগাঁও সমষ্টিৰ বিধায়ক ৰূপক শৰ্মা, ৰহা সমষ্টিৰ বিধায়ক ডিম্বেশ্বৰ দাস ৷ লগতে উপস্থিত থাকে আৰক্ষী সঞ্চালক প্ৰধান কুলধৰ শইকীয়া ৷