ছাত্ৰ আত্মহত্যাক লৈ উত্তপ্ত নগাঁও, এক প্ৰতিবেদন......

22:57 February 15

পৰিস্থিতি নিয়ন্ত্ৰণৰ বাবে আৰক্ষীৰ লাঠিচালনা

নগাঁৱৰ উৰীয়া গাঁৱত উত্তপ্ত পৰিস্থিতি৷ ব্যক্তিগত বিদ্যালয়ত ছাত্ৰ আত্মহত্যাক লৈ উত্তপ্ত উৰীয়াগাঁও বাইপাছ ৷ পথ অৱৰোধ কৰি প্ৰতিবাদ সাব্যস্ত স্থানীয় ৰাইজৰ ৷ উত্তপ্ত পৰিস্থিতি নিয়ন্ত্ৰণ কৰিবলৈ আৰক্ষীয়ে লাঠী চালনা কৰে প্ৰতিবাদকাৰীক ৷ আনহাতে, প্ৰতিবাদস্থলীত উচ্চপদস্থ আৰক্ষী বিষয়া উপস্থিত হোৱাৰ উপৰিও পৰিৱেশ নিয়ন্ত্ৰৰ বাবে মোতায়ন কৰা হৈছে অৰ্ধ সামৰিক বাহিনী ৷

21:24 February 15

নগাঁৱৰ ছাত্ৰ আত্মহত্যা সন্দৰ্ভত এক প্ৰতিবেদন

নগাঁৱত সংঘটিত হোৱা ছাত্ৰ আত্মহত্যাৰ ঘটনাৰ পিচতেই উত্তপ্ত হৈ পৰে পৰিস্থিতি ৷ নিশাৰ ভাগলৈ অধিক অৱনতি ঘটে পৰিস্থিতিৰ ৷ ইতিমধ্যে ঘটনাস্থলীত নিয়োগ কৰা হৈছে অতিৰিক্ত বাহিনী ৷

20:43 February 15

নগাঁৱত সংঘটিত হয় চাঞ্চল্যকৰ ঘটনা ৷ শনিবাৰে নগাঁৱৰ ব্যক্তিগত খণ্ডৰ শিক্ষানুষ্ঠানত চিপ লৈ আত্মহত্যা কৰে এজন দশম শ্ৰেণীৰ ছাত্ৰ ।

নগাঁও, 15 ফেব্ৰুৱাৰীঃ শুকুৰবাৰে নগাঁৱত সংঘটিত হয় চাঞ্চল্যকৰ ঘটনা ৷ বিদ্যালয়ৰ ভিতৰতে এগৰাকী ছাত্ৰৰ ৰহস্যজনক আত্মহত্যাক লৈ ব্যাপক চাঞ্চল্যৰ সৃষ্টি হৈছে সমগ্ৰ জিলাখনত । নগাঁৱৰ এখন ব্যক্তিগত বিদ্যালয়ত সংঘটিত হৈছে এই ঘটনা । নগাঁও চহৰৰ ব্যক্তিগত খণ্ডৰ শিক্ষানুষ্ঠান নৱৰূপ জাতীয় বিদ্যাপীঠত শনিবাৰে দশম শ্ৰেণীৰ এগৰাকী ছাত্ৰই বিদ্যালয়ৰ চাদত চিপ লৈ আত্মহত্যা কৰে ।  

আনহাতে, ঘটনাস্থলীত দণ্ডাধীশৰ উপস্থিতিত আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । অৱশ্যে এই পৰ্যন্ত আত্মহত্যাৰ কাৰণ জানিব পৰা নাই । ঘটনা সন্দৰ্ভত তদন্ত অব্যাহত ৰাখিছে আৰক্ষীয়ে  । 

আৰু পঢ়কঃ কিয় আত্মহননৰ পথ বাচি ল'লে মাৰ্চিয়ে !