কলিয়াবৰত শোৱাপাটিত এজনক হত্যা

কলিয়াবৰৰ মিছাৰ হাটবাগানত নিশা বিছনাত শুই থকা অৱস্থাত দুৰ্বৃত্তই চোকা অস্ত্ৰৰে ডিঙি ৰেপি হত্যা আমিৰ হুছেইন খান নামৰ এজন ব্যক্তিক ৷

মিছা, 6 আগষ্টঃ কলিয়াবৰৰ মিছাৰ হাটবাগানত সংঘটিত হৈছে এক নৃশংস হত্যাকাণ্ড ৷ নিশা বিছনাত শুই থকা অৱস্থাত দুৰ্বৃত্তই চোকা অস্ত্ৰৰে ডিঙি ৰেপি হত্যা কৰে আমিৰ হুছেইন খান নামৰ এজন ব্যক্তিক ৷ নিহত আমিৰ খান পূৰ্বে অপৰাধ মূলক গোচৰত অভিযুক্ত আছিল আৰু আৰক্ষীৰ ওচৰত আত্মসমৰ্পনো কৰিছিল ৷ পৰিয়ালৰ মতে,পূৰ্বৰ সতীৰ্থক অপৰাধমূলক কাৰ্য‍ বাদ দি সৎ পথলৈ উভতিবলৈ কৰা আহ্বানেই কাল হ'ল আমিৰৰ ৷ নিশা হত্যাকাণ্ড সংঘটিত কৰি পলায়ন কৰে দুষ্কৃতিকাৰীয়ে ৷ ইতিমধ্যে ঘটনাস্থলীত আৰক্ষী উপস্থিত হৈ তদন্ত প্ৰক্ৰিয়া আৰম্ভ কৰিছে ৷