চাপৰমুখত ৰেলৰ পৰা পৰি মৃত্যু যুৱকৰ

ৰহাৰ চাপৰমুখত অঘটন। ৰে'লৰ পৰা পৰি মৃত্যু এজন যুৱকৰ৷ যুৱকজনৰ নাম দীপাংকৰ বৰুৱা বুলি জানিব পৰা গৈছে৷ নিহত দীপাংকৰ বৰুৱা ৰহাৰ গড়মাৰিৰ বাসিন্দা৷

ৰহা, 17 অক্টোৱৰ: ৰহাৰ চাপৰমুখত অঘটন। ৰে'লৰ পৰা পৰি মৃত্যু এজন যুৱকৰ৷ যুৱকজনৰ নাম দীপাংকৰ বৰুৱা বুলি জানিব পৰা গৈছে৷ নিহত দীপাংকৰ বৰুৱা ৰহাৰ গড়মাৰিৰ বাসিন্দা৷ বৃহস্পতিবাৰে পুৱা গুৱাহাটী অভিমুখী শিলঘাট-গুৱাহাটী ডেম' ৰে'লত সংঘটিত হয় দুৰ্ঘটনাটো৷

জানিব পৰা মতে শিলঘাট-গুৱাহাটী ডেম' ৰে'লখনত গুৱাহাটী অভিমুখে যাত্ৰা কৰিছিল যুৱকজনে৷ ৰহা-চাপৰমুখৰ মাজত সিং গাঁৱত চলন্ত ৰে'লৰ পৰা পৰি থিতাতে মৃত্যুৰ মুখত পৰে যুৱকজন৷ চাপৰমুখ আৰক্ষীয়ে ইতিমধ্যে মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে৷