নগাঁও,15 ফেব্ৰুৱাৰী:নগাঁৱৰ এখন ধাবাত দীপা কৰ্মকাৰক সাক্ষাৎ বলীউডৰ ষ্টাৰ আয়ুস্মান খুৰানাৰ ৷ নগাঁৱৰ বাইপাছৰ এখন ধাবাত দেশৰ দুই তাৰকাৰ সাক্ষাৎ হয় । দুই তাৰকাৰ সাক্ষাতক লৈ উখল-মাখল হৈ পৰে নগাঁৱৰ বাইপাছৰ চাকদে ধাবা ।
উল্লেখ্য যে, এখন নতুন হিন্দী ছবিৰ শ্বুটিঙৰ বাবে অসমলৈ অহা বলীউডৰ তাৰকা আয়ুস্মান খুৰানা শনিবাৰে নিশা হঠাৎ নগাঁৱৰ চাকদে ধাবাত উপস্থিত হয় । একে সময়তে নগাঁৱত উপস্থিত হোৱা আন্তঃৰাষ্ট্ৰীয় পৰ্যায়ত খ্যাতি অৰ্জন কৰা দেশৰ আগশাৰীৰ জিমনাষ্টিয়ান দীপা কৰ্মকাৰক সাক্ষাৎ কৰাৰ ইচ্ছা প্ৰকাশ কৰে বলীউডৰ তাৰকাগৰাকীয়ে ৷