নগাঁও, ২৫ এপ্ৰিল: দেওবাৰে পুৱাই নগাঁও জিলাৰ কলিয়াবৰৰ বৰঘূলীত সংঘটিত হয় এক নাও দুৰ্ঘটনা ৷ এখন যন্ত্ৰচালিত নাও বৰঘূলীৰ ব্ৰহ্মপুত্ৰৰ বুকুত দুৰ্ঘটনাত পতিত হোৱাত মৃত্যু হয় এজনৰ । নাওখন পানীত ডুব যোৱাৰ লগে লগেই ছজন শ্ৰমিকে সাঁতুৰি নিজৰ প্ৰাণ ৰক্ষা কৰে যদিও এজন শ্ৰমিক পাৰলৈ অহাত ব্যৰ্থ হয় ৷ ফলত মৃত্যু মুখত পৰে শ্ৰমিকজন । মৃত শ্ৰমিকজন বোকাখাতৰ নিকৰিখাটৰ কৃষ্ণ কুটুম বুলি জানিব পৰা গৈছে । ইতিমধ্যে কৃষ্ণ কুটুমৰ মৃতদেহটো এচ ডি আৰ এফ বাহিনীয়ে উদ্ধাৰ কৰিছে ।
কলিয়াবৰৰ নাও দুৰ্ঘটনাত মৃত্যু এজনৰ