অগপক ভোট নিদিবলৈ আহ্বান বিজেপি নেত্ৰী আঙুৰলতা ডেকাৰ

মিত্ৰজোঁট অগপক কটাক্ষ বিজেপি নেত্ৰী আঙুলতা ডেকাৰ (BJP leader Angurlata Deka urges AGP not to vote) । কিন্তু কি কাৰণত মিত্ৰজোঁট অগপ সন্দৰ্ভত স্ববিৰোধী মন্তব্য প্ৰকাশ কৰিলে আঙুৰলতাই তাক লৈ চলিছে ব্যাপক চৰ্চা । আৰম্ভ হৈছে নেকি অগপ-বিজেপিৰ অন্তঃকলহ ? নেত্ৰীগৰাকীক সম্প্ৰতি উভতি ধৰিছে অগপই (Agp reaction on angurlata Deka's comments) ৷

নগাঁও, ২৭ ফেব্ৰুৱাৰী :ৰাজ্যত পৌৰসভা নিৰ্বাচনৰ প্ৰচাৰ যিমানেই তীব্ৰতৰ হৈছে সিমানেই তীক্ষ্ণ হৈছে নেতা-পালিনেতাৰ বাক্যবান । শাসক-বিৰোধীৰ কথাৰ যুঁজখন আকৰ্ষণীয় হোৱাৰ সময়তে এইবাৰ মিত্ৰজোঁটৰ মাজতো চলিছে কথাৰ কটাকটি ৷ আৰম্ভ হৈছে নেকি অগপ বিজেপিৰ অন্তঃকলহ ?

মিত্ৰদল অগপক লৈ বিজেপি নেত্ৰী আঙুৰলতা ডেকাৰ মন্তব্যৰ পাছতে অগপ নেতা-কৰ্মীয়ে প্ৰকাশ কৰিছে তীব্ৰ প্ৰতিক্ৰিয়া । অগপক পৌৰসভা নিৰ্বাচনত ভোট নিদিবলৈ অভয়াপুৰীত ৰাইজক আহ্বান জনাইছিল আঙুৰলতা ডেকাই । আঙুৰলতা ডেকাৰ বিতৰ্কিত মন্তব্যৰ পাছতেই জাঙুৰ খাই উঠিছে নগাঁও অগপ ।

বৃহস্পতিবাৰে পৌৰসভা নিৰ্বাচনৰ প্ৰচাৰৰ বাবে অভয়াপুৰীত উপস্থিত হৈ বিজেপি নেত্ৰী আঙুৰলতা ডেকাই মিত্ৰজোঁট অগপক পৌৰসভা নিৰ্বাচনত ভোট নিদিবলৈ আহ্বান জনাইছিল । ধিং পৌৰসভা নিৰ্বাচনৰ কথা উল্লেখ কৰি আঙুৰলতা ডেকাই অগপৰ প্ৰাৰ্থীয়েই নাই বুলি সাংবাদিকৰ আগত মন্তব্য প্ৰকাশ কৰিছিল । কিন্তু য'ত অগপ দলে দহটা ৱাৰ্ডৰ ভিতৰত নিজাববীয়াকৈ ছজনক প্ৰাৰ্থী হিচাপে প্ৰক্ষেপ কৰাৰ বিপৰীতে দুটাকৈ ৱাৰ্ডত নিৰ্দলীয় প্ৰাৰ্থীক সমৰ্থন জনাইছে ।

তেনে ক্ষেত্ৰত আঙুৰলতা ডেকাৰ মন্তব্যক তীব্ৰ প্ৰত্যাহ্বান জনাইছে নগাঁও অগপৰ জ্যেষ্ঠ নেত্ৰী মামণি বৰাৰ লগতে অগপৰ যুৱনেতা কাশ্যপ ফুকনে । অগপৰ অভিযোগ বিজেপি নেত্ৰী আঙুৰলতা ডেকাই গোপনভাৱে কংগ্ৰেছৰ লগত মিতিৰালি কৰি আহিছে ।

কিন্তু আটাইতকৈ আচৰিত কথাটো হ’ল দলীয় প্ৰাৰ্থীৰ মনোনয়ন দাখিল কৰা সময়ত ধিঙত উপষ্ঠিত থকা আঙুৰলতা ডেকাই মিত্ৰজোঁট সন্দৰ্ভত বিৰূপ মন্তব্য প্ৰকাশ কৰা নাছিল ৷ কিন্তু কি কাৰণত অভয়াপুৰীত মিত্ৰজোঁট অগপ সন্দৰ্ভত স্ববিৰোধী মন্তব্য প্ৰকাশ কৰিলে তাক লৈ চলিছে ব্যাপক চৰ্চা ।

লগতে পঢ়ক :Municipal Election 2022 : টীয়কত মিত্ৰজোঁটৰ হৈ প্ৰচাৰ চলালে মৰাণৰ বিধায়ক চক্ৰধৰ গগৈয়ে