ভূপেন হাজৰিকাৰ জন্মদিন উদযাপন কলিয়াবৰ, 8 ছেপ্টেম্বৰ : আজি ভাৰত ৰত্ন ভূপেন হাজৰিকাৰ 97 তম জন্মদিন ৷ সমগ্ৰ অসমে এইজনা মহান মনীষীক আজি শ্ৰদ্ধাৰে সুঁৱৰিছে ৷ ৰাজ্যৰ বিভিন্ন প্ৰান্তত তেওঁৰ জন্মদিন উদযাপন কৰা হৈছে ৷ বিভিন্ন দল-সংগঠনে সুধাকণ্ঠৰ জন্মদিনৰ লগত সংগত ৰাখি বিভিন্ন ধৰণৰ অনুষ্ঠানৰ আয়োজন কৰিছে ৷
সমগ্ৰ ৰাজ্যৰ লগতে কলিয়াবৰতো শুকুৰবাৰে সুধাকণ্ঠ ড° ভূপেন হাজৰিকাৰ ৯৭ তম ওপজা দিন উদযাপন কৰা হয় । কলিয়াবৰ প্ৰেছ ক্লাবৰ চৌহদত অৱস্থিত ত্ৰিৱেণী কাননত দিনজোৰা কাৰ্যসূচীৰে আয়োজন কৰা হয় ভূপেন হাজৰিকাৰ 98 সংখ্যক জন্মদিন । জখলাবন্ধাৰ ত্ৰিৱেণী কাননত স্থাপিত সুধাকণ্ঠৰ পূৰ্ণাংগ প্ৰতিমূৰ্তিত বন্তি প্ৰজ্বলন কৰে কলিয়াবৰ প্ৰেছ ক্লাবৰ সভাপতি তৰুণ মুক্তিয়াৰে আৰু শ্ৰদ্ধাঞ্জলি তৰ্পন কৰে কলিয়াবৰ শাখা সাহিত্য সভাৰ সম্পাদক বিৰাজ ভূষণ বৰাই ।
ভূপেন হাজৰিকাৰ জন্মদিন উদযাপন ৰাষ্ট্ৰীয় বঁটা প্ৰাপক অসমীয়া চলচিত্ৰ জগতৰ বিশিষ্ট অভিনেত্ৰী মলয়া গোস্বামীও অনুষ্ঠানত উপস্থিত থাকে ৷ ভূপেন হাজৰিকাৰ প্ৰতিমূৰ্তিত শ্ৰদ্ধাঞ্জলি তৰ্পন কৰি তেওঁ ভূপেন হাজৰিকাক লৈ দুআষাৰ বক্তব্য আগবঢ়ায় । ভূপেন হাজৰিকাৰ অমৰ সৃষ্টিৰাজি জীয়াই ৰাখিবৰ বাবে নৱপ্ৰজন্মক আহ্বান জনায় বিশিষ্ট অভিনেত্ৰীগৰাকীয়ে । অনুষ্ঠানৰ আৰম্ভণিতে স্থানীয় মহিলাসকলে পৰিৱেশন কৰা এটি সমবেত সংগীতে শ্ৰোতাক বাৰুকৈয়ে মুগ্ধ কৰে ।
ভূপেন হাজৰিকাৰ জন্মদিন উদযাপন বিপুল হাজৰিকাই আঁত ধৰা অনুষ্ঠানটোত এসময়ৰ কুঠৰীৰ ভূপেন হাজৰিকাৰ বাসগৃহৰ তদাৰককাৰী সুৰেন নেওগ, শিক্ষাসেৱী সলিল কুমাৰ মিত্ৰ, পুস্পেন্দ্ৰ শইকীয়া, গিৰিশ গায়ন, ভূপেনদাৰ অনুগামী, সাংস্কৃতিক কৰ্মী ৰঞ্জিত ভট্টাচাৰ্য্যই অংশগ্ৰহণ কৰে ৷ এই গাম্ভীৰ্যপূৰ্ণ অনুষ্ঠানটোত মুহিধৰ শইকীয়া, অৰুণ বৰা, নম্ৰতা বৰা, দিশা মুখাৰ্জী, স্নেহা ৰয়, ভৈৰৱ বৰদলৈ আৰু ধনীৰাম দাসে সুধাকণ্ঠৰ কালজয়ী গীত পৰিৱেশনেৰে অনুষ্ঠানটো জীপাল কৰি তোলে । পুৱা পতাকা উত্তোলন কৰে ত্ৰিৱেণী কাননৰ সভাপতি দিলীপ কুমাৰ বৰদলৈয়ে ।
লগতে পঢ়ক :Bhupen Hazarika 97th birthday: ‘‘মানুহে মানুহৰ বাবে...’’ সুধাকণ্ঠৰ ওপজা দিনত সমাধিত শ্ৰদ্ধাঞ্জলি বিভিন্নজনৰ
