কলিয়াবৰত বাইক-স্কুটীৰ মুখামুখি সংঘৰ্ষত আহত তিনি

দুজনৰ অৱস্থা সংকটজনক ৷ কলিয়াবৰৰ ৩৭ নং ৰাষ্ট্ৰীয় পথত সংঘটিত হয় এই দুৰ্ঘটনা ৷ আহত সকলক চিকিৎসালয়লৈ প্ৰেৰণ ৷

কলিয়াবৰ, 4 জুনঃ মঙলবাৰে কলিয়াবৰৰ জখলাবন্ধা সৰুভগীয়াৰ ৩৭ নং ৰাষ্ট্ৰীয় ঘাইপথত সংঘটিত হয় এক পথ দুৰ্ঘটনা ৷ বাইক আৰু স্কুটীৰ মুখামুখি সংঘৰ্ষৰ ফলত এই দুৰ্ঘটনাটো সংঘটিত হয় ৷ এ এচ ০২ কিউ ৮৫৮৬ নম্বৰৰ স্কুটীখনৰ সৈতে বিপৰীত দিশৰ পৰা আহি থকা এ এচ ০১ এ এ ২৫৩৭ নম্বৰৰ বাইকখনৰ মুখামুখি সংঘৰ্ষ হয় , য‘ত স্কুটীখনৰ দুই আৰোহীৰ লগতে গুৰুতৰভাৱে আহত হয় বাইকখন আৰোহীজনো । দুৰ্ঘটনাস্থলীত জখলাবন্ধা আৰক্ষী উপস্থিত হৈ আহতসকলক ততাতৈয়াকৈ প্ৰেৰণ কৰে জখলাবন্ধা চিকিৎসালয়লৈ । আহতসকল জিণ্টু আলি, নলিন ফুকন আৰু চটিকৰাম সৎনামী ।