কলিয়াবৰ, ৫ নৱেম্বৰ : সমগ্ৰ ৰাজ্যৰ লগতে কলিয়াবৰতো পালন কৰা হয় সুধাকণ্ঠ ড৹ ভূপেন হাজৰিকাৰ দশম সংখ্যক মৃত্যু বাৰ্ষিকী । শিলঘাটৰ মহামিলনৰ তীৰ্থ মহাবাহুৰ তীৰত স্থাপিত সুধাকণ্ঠ স্মৃতি উদ্যানত পালন কৰা হয় শিল্পীগৰাকীৰ মৃত্যু দিৱস । এই বিশেষ দিনটোত তেওঁক স্মৰণ কৰাৰ উদ্দেশ্যে কলিয়াবৰত 'মানৱতা দিৱস' শীৰ্ষক বিশেষ কাৰ্যসূচী ৰূপায়ণ কৰা হয় ।
সুধাকণ্ঠৰ মৃত্যুবাৰ্ষিকী উপলক্ষ্যে কলিয়াবৰত মানৱতা দিৱসৰ আয়োজন
কলিয়াবৰ মহকুমা প্ৰশাসন, কলিয়াবৰ কেন্দ্ৰীয় ছাত্ৰ সন্থা, লেখিকা সমাৰোহ সমিতি, শাখা সাহিত্য সভা, কলিয়াবৰ প্ৰেছ ক্লাৱ আদি অনুষ্ঠানে সন্মিলিত প্ৰচেষ্টাৰে উদযাপন কৰে 'মানৱতা দিৱস'ৰ । মহান শিল্পীগৰাকীৰ প্ৰতিমূৰ্তিত শ্ৰদ্ধাঞ্জলি জ্ঞাপনৰ পাছতে শিল্পীগৰাকী অমৰ সৃষ্টিৰ জৰিয়তে তেওঁক স্মৰণ কৰা হয় ।