নগাঁৱৰ নেহেৰুবালিত ভাওনা সমাৰোহ

একেদিনাই প্ৰদৰ্শন সাতখনকৈ ৰাস

নগাঁও , ১২ ফেব্ৰুৱাৰী : নগাঁৱৰ নেহেৰুবালিত এটা দিনতে প্ৰদৰ্শিত হ'ল সাতখনকৈ ৰাস । সাতজনকৈ কৃষ্ণই গোপীসকলৰ সৈতে কৰা নৃত্য, গায়ন বায়ন , খোল তাল বাদনত ভক্তি ৰসত ডুব যায় নেহেৰুবালি।

মহাপুৰুষ শ্ৰীমন্ত শঙ্কৰদেৱৰ অমৰ সৃষ্টি অংকীয়া ভাওনাৰ প্ৰসাৰ আৰু প্ৰচাৰৰ উদ্দেশ্যে নগাওঁ ভাওনা সমাৰোহ সমিতিয়ে নেহেৰুবালিত আয়োজন কৰা ভাওনা সমাৰোহৰ সোমবাৰে নিশা সামৰণি পৰে । তিনিদিনীয়াকৈ অনুষ্ঠিত হোৱা ভাওনা সমাৰোহৰ অন্তিম নিশা সাতটা নাট্য দলে শ্ৰীকৃষ্ণৰ ৰাসলীলা প্ৰদৰ্শন কৰে ।