বটদ্ৰৱা,30এপ্ৰিল: মঙলবাৰে বটদ্ৰৱাত হঠাৎ উপস্থিত হয় সমবায় বিভাগৰ উচ্চপদস্থ বিষয়াৰ দল । বটদ্ৰৱা সত্ৰ সমবায় সমিতিৰ দুৰ্নীতি আৰু হৈ যোৱা সমবায় নিৰ্বাচনত ব্যাপক অনিয়মৰ অভিযোগৰ তদন্তৰ বাবে মঙলবাৰে আহি উপস্থিত হয় দলটো । ইপিনে সমবায় পৰিচালনাৰ বাবে হৈ যোৱা নিৰ্বাচনত মৃত ব্যক্তিক জীৱিত সজাই জীৱিত ব্যক্তিক মৃত সজাই নিৰ্বাচন অনুষ্ঠিত কৰাৰ অভিযোগ উত্থাপন হৈছিল ৷ লগতে বিভিন্ন সময়ত অবাধ দুৰ্নীতি আৰু অনিয়মৰ অভিযোগ উত্থাপন হোৱা সমবায়খনত তদন্তৰ বাবে মঙলবাৰে বটদ্ৰৱাত উপস্থিত হয় সমবায় বিভাগৰ জেষ্ঠ্য পৰিদৰ্শক নব দাসৰ নেত্ৰীত্বত এটা দল । বিভাগীয় উচ্চপদস্থ বিষয়াৰ দলটো উপস্থিত হৈয়ে আৰম্ভ কৰে তদন্ত ।
বটদ্ৰৱা সত্ৰ সমবায় সমিতিৰ ব্যাপক দুৰ্নীতি