সোনাই নৈত উদ্ধাৰ যুৱকৰ মৃতদেহ

সোনাই নৈৰ পানীত উপঙি থকা অৱস্থাত উদ্ধাৰ শিৱ হাজৰিকা নামৰ এজন যুৱকৰ মৃতদেহ ৷

বটদ্ৰৱা,16আগষ্ট : বৃহস্পতিবাৰে নিশা বটদ্ৰৱাত উদ্ধাৰ হয় এজন যুৱকৰ মৃতদেহ ৷ সোনাই নৈৰ পানীত উপঙি থকা অৱস্থাত উদ্ধাৰ হয় মৃতদেহটো ৷ উদ্ধাৰ হোৱা মৃতদেহটো ৰাইদঙীয়াৰ শ্যাম কলীয়া গাঁৱৰ যুৱক শিৱ হাজৰিকা বুলি চিনাক্ত কৰা হৈছে ৷

উল্লেখ্য যে,স্বাধীনতা দিৱসৰ বাবে সমনীয়াৰ সৈতে ভোজ-ভাত খাবলৈ গৈছিল যুৱকজনে ৷ স্থানীয় ৰাইজৰ সন্দেহ সোনাই নৈত যুৱকজন পৰি যায় আৰু মৃত্যু হয় যুৱকজনৰ ৷ ইফালে, জাজৰি আৰক্ষী ঘটনাস্থলীত উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে নগাঁৱলৈ পঠিয়ায় ৷