বটদ্ৰৱা, 23 জুনঃ বটদ্ৰৱাৰ ৰাইডঙীয়া গাঁৱৰ ৰাইজ শংকিত COVID-19 সংক্ৰমণক লৈ ৷ কিয়নো গাওঁখনৰ এজন যুৱকে পলুৱাই আনিছিল এগৰাকী যুৱতী ৷ কিন্তু সেই যুৱতী গৰাকীৰ দেহত পোৱা গৈছে কৰ'ণা ভাইৰাছ ৷
ঘটনা অনুসৰি, কিছুদিন পূৰ্বে, ৰাইডঙীয়াৰ এজন যুৱকে নগাঁৱৰ ৰঙাগড়া হুজ গাঁৱৰ এগৰাকী ১৬ বছৰীয়া কিশোৰীক পলুৱাই আনিছিল ৷ পৰিয়ালৰ এজাহাৰৰ ভিত্তিত ৰাইডঙীয়াৰ পৰা উদ্ধাৰ কৰিছিল যুৱতী গৰাকীক হয়বৰগাঁও আৰক্ষীয়ে । আৰক্ষীয়ে উদ্ধাৰ কৰি যুৱতী গৰাকীৰ স্বাস্থ্য পৰীক্ষা কৰি চমজাই দিছিল পৰিয়ালক । কিন্তু ২১ জুনত যুৱতী গৰাকীৰ দেহত COVID-19 ধৰা পৰে । ইয়াৰ পিছতেই ৰাইদঙীয়া আৰু ৰঙাগড়া হুজ গাঁৱৰ ৰাইজ মাজত হাহাকাৰ পৰিস্থিতিৰ সৃষ্টি হৈছে ।
পলুৱাই অনা যুৱতীক লৈ শংকিত বটদ্ৰৱাৰ এখন গাঁও