বঢ়মপুৰ,25 জানুৱাৰীঃ নাগৰিকত্ব সংশোধনী আইনৰ বিৰুদ্ধে শনিবাৰে স্থিতি স্পষ্ট কৰে সদৌ অসম কৰ্মচাৰী পৰিষদে ৷ চৰকাৰৰ দমন নীতিৰ মাজতো আইনখনৰ বিৰুদ্ধে প্ৰতিবাদ সাব্যস্ত কৰিব কৰ্মচাৰী পৰিষদে-এই মন্তব্য সদৌ অসম কৰ্মচাৰী পৰিষদৰ সভাপতি বাসৱ কলিতাৰ ৷ কামপুৰ এছ কে ভি হাইস্কুলত শনিবাৰে অনুষ্ঠিত ৩৪ তম মুকলি অধিৱেশনত উপস্থিত থাকি সাংবাদিকৰ আগত এই মন্তব্য কৰে কলিতাই ৷
কৰ্মচাৰী পৰিষদৰ মুকলি অধিৱেশন আনহাতে কৰ্মচাৰী পৰিষদৰ নৱ নিৰ্বাচিত সম্পাদক মৃণাল দাসে গণতান্ত্ৰিক অধিকাৰ সকলোৰে আছে বুলি মন্তব্য কৰি অনাগত দিনত চৰকাৰৰ কাম-কাজত বাধা নোহোৱাকৈ প্ৰতিবাদ চলাই যাব বুলি মন্তব্য কৰে ৷ উল্লেখ্য যে,মুকলি অধিৱেশনখনত যুটীয়া সম্পাদক শ্যামন্ত দাসকে ধৰি নগাঁও জিলাৰ বিষয়ববীয়াসকল উপস্থিত থাকে ৷
লগতে চাওকঃশনিবাৰে ডিমাছা নেশ্যনেল লিবাৰেচন আৰ্মিয়ে আহ্বান কৰা বন্ধত স্তব্ধ হৈ পৰে ডিমা হাছাও জিলাৰ জনজীৱন
