বৃদ্ধি পাইছে কপিলীৰ জলপৃষ্ঠ : আশংকাত নৈপৰীয়া ৰাইজ

উমৰাংচু কপিলী পাৱাৰ হাউচত পাইপ ফাটি যোৱাৰ ফলত জলবিদ্যুৎ প্ৰকল্পটোৰ খুলি দিয়া হৈছে তিনিখন গেট । গেট খুলাৰ পাছতেই ঘণ্টাত প্ৰায় ১০ ছেন্টিমিটাৰলৈকে বৃদ্ধি পাইছে কপিলীৰ পানী আৰু আশংকাত ভুগিছে নৈ-পৰীয়া ৰাইজ ।

বঢ়মপুৰ,9অক্টোবৰ : প্ৰতিদিনে ভয়ৰ আশংকাত ভুগিছে কপিলী নৈ পৰীয়া ৰাইজ ৷ কাৰণ ঘন্টাত প্ৰায় 10 ছেন্টিমিটাৰলৈকে বৃদ্ধি পাইছে কপিলী নৈৰ পানী ৷

উল্লেখ্য যে, 7 অক্টোবৰত উমৰাংচু কপিলী পাৱাৰ হাউচত সংঘটিত হৈছিল এক ভয়ংকৰ ঘটনা ৷ উমৰাংচু কপিলী পাৱাৰ হাউচত পাইপ ফাটি যোৱাৰ ফলত পানীৰ সোঁতত উটি গৈছিল এজন অভিযন্তাৰ লগতে তিনিজন কৰ্মচাৰী ৷ টানেল মেৰামতি কৰি থকাৰ সময়তে সংঘটিত হোৱা এই ঘটনাত উটি যোৱা লোককেইজনৰ বৰ্তমানেও পোৱা নাই কোনো সন্ধান ৷

ইফালে, পাইপ ফাটি যোৱাৰ পিছতেই বৃদ্ধি পাইছে কপিলীৰ জলপৃষ্ঠ ৷ যাৰ বাবে উমৰাংছ জলবিদ্যুৎ প্ৰকল্পৰ খুলি দিয়া হৈছে তিনিখন গেট ৷ গেট খুলাৰ পাছতেই ঘণ্টাত প্ৰায় ১০ ছেন্টিমিটাৰলৈকে বৃদ্ধি পাইছে কপিলীৰ পানী৷ যাৰ বাবে চিন্তিত হৈ পৰিছে নৈ পৰীয়া ৰাইজসকল ৷ ইফালে
কৰ্তৃপক্ষই প্ৰকল্পটোৰ মেৰামতিৰ ক্ষেত্ৰত হেমাহী কৰাৰ বাবেই এই ঘটনা সংঘটিত হোৱা বুলি মন্তব্য কৰে নৈপৰীয়া ৰাইজে ৷