লাওখোৱাত হাতী-মানুহৰ সংঘাত ৰোধৰ বাবে ব্যতিক্ৰমী প্ৰদক্ষেপ - nagaon
লাওখোৱাত সাংবাদিক সকল একত্ৰিত হৈ কলিয়াবৰৰ আমবাগান আৰু লাওখোৱা অঞ্চলৰ বজাৰ সমুহৰ লগতে বিভিন্ন প্ৰান্তত যোৱা কালি চাকি জ্বলাবলৈ ব্যৱহাৰ কৰা প্ৰায় ৫০০ ৰো অধিক কলগছ সংগ্ৰহ কৰে ৷ সংগ্ৰহ কৰা কলগছসমূহ বন্যহস্তীৰ বাবে লাওখোৱা অভয়াৰণ্য আৰু বুঢ়া চাপৰিৰ বন্যহস্তীৰ অহা যোৱা কৰা পথত কলগছ সমূহ যোগান ধৰে।
চামগুৰি, 16 নৱেম্বৰ : দিনক দিনে বৃদ্ধি পাই অহা হাতী মানুহৰ সংঘাত ৰোধৰ এক ব্যতিক্ৰমী প্ৰদক্ষেপ গ্ৰহণ কৰে লাওখোৱাৰ সাংবাদিক সকলে। যোৱা কালি পোহৰৰ উৎসৱ দিপাৱলী সমগ্ৰ ৰাজ্যৰ লগতে লাওখোৱাতো পালন কৰাৰ অন্তত সোমবাৰে পুৱা লাওখোৱাত সাংবাদিক সকল একত্ৰিত হৈ কলিয়াবৰৰ আমবাগান আৰু লাওখোৱা অঞ্চলৰ বজাৰ সমুহৰ লগতে বিভিন্ন প্ৰান্তত যোৱা কালি চাকি জ্বলাবলৈ ব্যৱহাৰ কৰা প্ৰায় ৫০০ ৰো অধিক কলগছ সংগ্ৰহ কৰে ৷ সংগ্ৰহ কৰা কলগছসমূহ বন্যহস্তীৰ বাবে লাওখোৱা অভয়াৰণ্য আৰু বুঢ়া চাপৰিৰ বন্যহস্তীৰ অহা যোৱা কৰা পথত কলগছ সমূহ যোগান ধৰে।
আনহাতে এই অনুষ্ঠানত উপস্থিত থকা বুঢ়া চাপৰি বন সুৰক্ষাৰ (E.D.C.)ৰ সভাপতি নুৰ ইছলামে জনাইছে যে, অহা বিশ্ব পৰিৱেশ দিৱসৰ দিনা হাতী মানুহৰ সংঘাত ৰোধৰ বাবে ১০০০ কলগছৰ পুলি যোগান ধৰি সংবাদকৰ্মী সকলৰ লগত তেওঁ নিজেও বন বিভাগৰ সহযোগত বন্যহস্তীৰ বিচৰণস্থলী সমূহত হাতীৰ খাদ্যৰ বাবে এই প্ৰদক্ষেপ গ্ৰহণ কৰাৰ কথা জানিবলৈ দিয়ে।