বঢ়মপুৰ,23 জানুৱাৰী: নগাঁও জিলাৰ কামপুৰ গুইমাৰীত বৃহস্পতিবাৰে ভয়াবহ অগ্নিকাণ্ড সংঘটিত হয় ৷ অগ্নিকাণ্ডত এটা বাসগৃহ সম্পূৰ্ণৰূপে ভস্মীভূত হয় ৷ স্থানীয় লোকে জনোৱা মতে বাসগৃহটোৰ কাষতে থকা খেৰৰ মেজিঘৰ এটাৰ পৰা জুইৰ সূত্ৰপাত হয় ৷ কোনো সৰু ল'ৰাই খেৰৰ মেজিঘৰটোত জুই লগাই দিয়াৰ সন্দেহ স্থানীয় লোকৰ ৷ অগ্নিকাণ্ডটোত ভস্মীভূত হোৱা বাসগৃহটো হৈছে পুস্প কান্ত দেউৰী নামৰ এজন লোকৰ ৷ পাছত ঘটনাস্থলীত কামপুৰ আৰু ৰহাৰ অগ্নিনিৰ্বাপক বাহিনী উপস্থিত হৈ স্থানীয় ৰাইজৰ সহযোগত জুই নিৰ্বাপণ কৰিবলৈ সক্ষম হয় ৷
বঢ়মপুৰত ভয়াবহ অগ্নিকাণ্ড