নগাঁৱৰ এখন দুৰ্দশাগ্ৰস্ত প্ৰাথমিক বিদ্যালয়

বিদ্যালয়ত নাই স্থায়ী বিদ্যালয়গৃহ গভীৰ নিদ্ৰাত শিক্ষা বিভাগ ৷ নগাঁৱৰ কঠিয়াতলী শিক্ষাখণ্ডৰ কছাৰী খণ্ডৰ হলিৰাম দাস প্ৰাথমিক বিদ্যালয়ৰ সমস্যাই জুৰুলা কৰিছে৷

বঢ়মপুৰ, 25 নৱেম্বৰঃ নিৰ্লিপ্ত ভূমিকাত অসমৰ শিক্ষা বিভাগ ৷ জহি-খহি গৈছে বিদ্যালয় গৃহ তথাপি কাণসাৰ নাই বিভাগীয় কৰ্তৃপক্ষৰ ৷ বিদ্যালয়ৰ গৃহ নিৰ্মাণৰ বাবে শিক্ষামন্ত্ৰীলৈ আহ্বান ছাত্ৰ ছাত্ৰীৰ ৷ নগাঁৱৰ কঠিয়াতলী শিক্ষাখণ্ডৰ কছাৰী খণ্ডৰ হলিৰাম দাস প্ৰাথমিক বিদ্যালয়ৰ নাই স্থায়ী বিদ্যালয়গৃহ ৷ বানপানীয়ে কেইবাবাৰো ভাঙি জুৰুলা কৰা বিদ্যালয়খনৰ আন্তঃ গাঁথনিৰ অৱস্থা অতিকৈ শোচনীয় ৷

1994 চনত প্ৰতিষ্ঠা লাভ কৰা এই বিদ্যালয়খন বহু সমস্যাৰে জৰ্জৰিত ৷ শিক্ষক তথা ছাত্ৰ-ছাত্ৰীৰ এই দুৰৱস্থাৰ বিষয়ে শুনিবলৈ আহৰি নাই চৰকাৰ তথা শিক্ষা বিভাগৰ ৷ এতিয়া বিভাগীয় কৰ্তৃপক্ষৰ ওপৰত ক্ষোভ উজাৰিছে সকলোৱে ৷

আৰু পঢ়কঃ সৰ্বা , হিমন্তৰ প্ৰতিমূৰ্তিত শাৰী পিন্ধালে কটনিয়ানে