কলিয়াবৰ,২৩ মে':বাৰিষাৰ আগমনৰ লগে লগেই ৰাজ্যৰ বিভিন্ন প্ৰান্তত আৰম্ভ হৈছে বানৰ বিভিষিকা(Flood in Assam) । বানে প্ৰতিবছৰে বেয়াকৈ ক্ষতিসাধন কৰে কাজিৰঙা ৰাষ্ট্ৰীয় উদ্যানখনক । বনকৰ্মীসকলে জীৱন হাতৰ মুঠিত লৈ মোকাবিলা কৰে বান পৰিস্থিতিৰ সৈতে । সেয়ে এইবাৰ কাজিৰঙা ৰাষ্ট্ৰীয় উদ্যানৰ বানত সৰ্বাধিক ক্ষতি হোৱা কলিয়াবৰ মহকুমাৰ অন্তৰ্গত বুঢ়াপাহাৰ বনাঞ্চলত আগতীয়াকৈ তৎপৰতা গ্ৰহণ কৰিছে বিষয়া তথা বনৰক্ষীসকলে(Forest Camps and Guard to be well Equipped) ।
কাজিৰঙাৰ জীৱকুলৰ সুৰক্ষাৰ প্ৰতি লক্ষ্য ৰাখি কলিয়াবৰ মহকুমাৰ ৰাষ্ট্ৰীয় উদ্যানখনৰ অন্তৰ্গত বাগৰি আৰু বুঢ়াপাহাৰ বনাঞ্চলৰ সীমাৰে যোৱা ৩৭ নং ৰাষ্ট্ৰীয় পথত জাৰি কৰিছে ১৪৪ ধাৰা । বুঢ়াপাহাৰ বনাঞ্চলত সাজু কৰি তুলিছে ২৫ খন হাত নাও, ৩ খনকৈ মেচিন নাও । বানপানীৰ সৈতে মোকাবিলা কৰিবৰ বাবে পৃথকে-পৃথকে সাজু কৰিছে বনকৰ্মীৰ দল ।