কলিয়াবৰ ,৬ ছেপ্টেম্বৰ:চৰকাৰ তথা বিভিন্ন সংগঠনে ব্য়াপক সজাগতা সৃষ্টি কৰাৰ পিছতো ৰাজ্য়ত বৃদ্ধি পায়েই আছে নাৰী নিৰ্যাতনৰ ঘটনা(harassment of women increased in Assam)। যৌতুকৰ লগতে অবৈধ প্ৰেমৰ সম্পৰ্কৰ(attempt to murder for illicit love affair)বাবে মহিলাৰ ওপৰত সঘনাই নিৰ্যাতনৰ ঘটনা সংঘটিত হৈছে । ৰাজ্য়ৰ আন ঠাইৰ লগতে নগাঁও জিলাৰ কলিয়াবৰতো পুনৰ বৃদ্ধি পাব ধৰিছে পাৰিবাৰিক হিংসাৰ ঘটনা । জিলাখনৰ শাগমুঠিয়া চাহ বাগিচাত এনে এক ঘটনা পোহৰলৈ আহিছে ।
ঘটনাৰ বিৱৰণী অনুসৰি পোন্ধৰ বছৰীয়া বৈবাহিক জীৱনত আউল লগালে সামাজিক মাধ্যমৰ এখন ফটোৱে । এই অবৈধ সম্পৰ্কৰ প্ৰমাণ দিয়া এখন ফটোৰ পিছত প্ৰাণে মৰাৰ অপচেষ্টা ললিতা নামৰ এগৰাকী মহিলাক । কলিয়াবৰৰ শাগমুঠিয়া চাহ বাগিচাত সংঘটিত হৈছে এই ঘটনাটো(Attempt to murder in Shagmuthia Tea Estate)। উক্ত ঘটনাটোৰ পিছতেই দোষীক উচিত শাস্তিৰ দাবীৰে মঙলবাৰে জখলাবন্ধা থানা উত্তাল কৰিলে বাগিচাখনৰ মহিলা সমিতিয়ে । ৰাইজৰ দাবীত অৱশেষত আৰক্ষীয়ে আটক কৰে ভূক্তভোগী মহিলাগৰাকীৰ স্বামীৰ লগতে অবৈধ প্ৰেমিকাক ।
সামাজিক মাধ্যমত প্ৰকাশিত এই ফটোখনৰ তলত প্ৰেমৰ চিহ্নৰে সৈতে লিখা আছিল'হেপী ফিলিং'। এই ফটোখনেই কাল হ'ল ললিতা মুণ্ডা নামৰ এগৰাকী মহিলাৰ । শুকলাল মুণ্ডাৰ সৈতে অবৈধ প্ৰেমিকাৰ সামাজিক মাধ্যমত আপত্তিজনক ফটো দেখি ললিতাই প্ৰশ্ন কৰাৰ পিছতেই অবৈধ প্ৰেমিকাৰে মিলি পত্নীক আক্ৰমণ কৰিলে শুকলালে । ফলত চিকিৎসালয়ৰ বিচনাত চটফটাই আছে ললিতা মুণ্ডাই ।