নগাঁও, 3 আগষ্ট : বিজেপি চৰকাৰে সত্ৰত বেদখল কৰা সন্দেহজনক নাগৰিকক উচ্ছেদ কৰিবলৈ সক্ষম হৈছে ৷ আনকি, কাজিৰঙা ৰাষ্ট্ৰীয় উদ্যান বেদখলকাৰীৰ কবলৰ পৰা উদ্ধাৰ কৰিবলৈ সক্ষম হৈছে ৷ এই মন্তব্য প্ৰদান কৰিছে নগাঁৱৰ বিধায়ক ৰূপক শৰ্মাই ৷ সোমবাৰে এক সংবাদমেল আয়োজন কৰি এই মন্তব্য প্ৰদান কৰিছে বিধায়ক গৰাকীয়ে ৷
আনহাতে, কংগ্ৰেছ দলক সমালোচনা কৰি বিধায়ক গৰাকীয়ে পুনৰ কয় যে, কংগ্ৰেছ চৰকাৰৰ কাৰ্যকালত হোৱা কামকাজ বিজেপি চৰকাৰৰ কামৰ সৈতে বহুতো পাৰ্থক্য আছে ৷ কংগ্ৰেছ চৰকাৰৰ দিনত বানপীড়িত ৰাইজক সাহাৰ্য দিয়াৰ নামতো দুৰ্নীতি সংঘটিত হৈছিল কিন্তু বিজেপি চৰকাৰৰ দিনত সেই দুৰ্নীতি সংঘটিত হোৱা নাই বুলি বিধায়ক গৰাকীয়ে দাবী উখাপন কৰে ৷ ইফালে, বিধায়ক গৰাকীৰ অভিযোগ অনুসৰি, কংগ্ৰেছ চৰকাৰে গণতন্ত্ৰক হত্যা কৰাৰ চেষ্টা চলাইছে ৷ আনকি, বিজেপিৰ উন্নয়নমূলক কামৰ খতিয়ান সংবাদমেলত দাঙি ধৰিলে বিধায়ক গৰাকীয়ে ৷