কলিয়াবৰ ৰূপহীহাটত NPP প্ৰাৰ্থীক আক্ৰমণ বিৰোধী দলৰ!!

আহত কেবাজনো লোক, দুৰ্বৃত্তৰ আক্ৰমণত ক্ষতিগ্ৰস্ত তিনিখনকৈ গাড়ী

কলিয়াবৰ,৪ এপ্ৰিলঃ কলিয়াবৰ ৰূপহীহাটত NPP প্ৰাৰ্থী আব্দুল আজিজে নিৰ্ববাচনী প্ৰচাৰ চলাই থকা অৱস্থাত অতৰ্কিতে আক্ৰমণ কৰে বিৰোধী শক্তিয়ে। এই আক্ৰমণত গুৰুতৰভাৱে আহত হয় তিনিজন লোক।

আজিজে চামগুৰিৰ গেৰুৱা আটি গাওঁত নিৰ্বাচনী প্ৰচাৰ চলাই থকা অৱস্থাত কোনো গুণ্ডা বাহিনীয়ে অতৰ্কিতে আক্ৰমণ কৰি তিনিখন গাড়ীৰ ক্ষতি সাধন কৰাৰলগতে তিনিজন লোকক মাৰপিট কৰে ৷ আহত লোককেইজন ছাদ্দাম হুছেইন,আবু তাহেৰ আৰু ছোৰহাব আলী ৷ ছোৰহাব আলিক উন্নত চিকিৎসাৰ বাবে নগাঁওলৈ প্ৰেৰণ কৰে স্থানীয় ৰাইজে ৷ ঘটনাস্থলীৰ পৰা আহত NPP প্ৰাৰ্থীজনৰ লগতে কৰ্মীসকল কোনোমতে প্ৰাণৰক্ষা কৰি পলাই আহিবলৈ সক্ষম হয় । ইতিমধ্যে আজিজে উক্ত ঘটনাক লৈ ৰূপহী থানাত গোচৰ ৰুজু কৰিছে ।