গুইমাৰীত জ্ঞান আশ্ৰম স্বেচ্ছাসেৱী সংগঠনৰ বান সাহায্য বিতৰণ

গুইমাৰীত গুৱাহাটীৰ জ্ঞান আশ্ৰম স্বেচ্ছাসেৱী সংগঠনটোৱে বানাক্ৰান্ত দুৰ্ভগীয়া লোক সকলৰ মাজত বান সাহায্য বিতৰণ কৰে ৷

নগাঁও, ২৬ জুলাইঃ ৰহা সমষ্টিৰ বগলাজান গাঁও পঞ্চায়তৰ গুইমাৰীত গুৱাহাটীৰ জ্ঞান আশ্ৰম স্বেচ্ছাসেৱী সংগঠনে বানাক্ৰান্ত দুৰ্ভগীয়া লোক সকলৰ মাজত বান সাহায্য বিতৰণ কৰে ৷

ৰাজ্যত শেহতীয়াকৈ হোৱা প্ৰলংয়কাৰী বানে ৰাজ্যবাসীক বিস্তৰ ক্ষতি সাধন কৰে । ঘৰ-দুৱাৰকে আদি কৰি হাজাৰ-হাজাৰ কৃষি ভূমিৰ লগতে পশুধনৰ ক্ষতি কৰি সৰ্বস্বান্ত কৰে ৰাজ্যবাসীক । আশ্ৰয় শিবিৰত হাহাকাৰ পৰিস্থিতি বানাক্ৰান্ত লোক সকলৰ । ইতিমধ্যে চৰকাৰৰ লগতে বিভিন্ন দল সংগঠনে সহায়ৰ হাত আগবঢ়াইছে বানাক্ৰান্তলোক সকলক ।শুক্ৰবাৰে গুৱাহাটীৰ জ্ঞান আশ্ৰম মহিলা গোটে বানাক্ৰান্ত পৰিয়ালৰ মাজত চাউল, দাইল ,মিঠাতেল, বিস্কুট,কাপোৰ,চাবোন আদিৰে সাহায্য প্ৰদান কৰে।