কলিয়াবৰ,15 জানুৱাৰী: ভোগালী বিহুৰ আনন্দ উল্লাসৰ মাজতে ৰাজ্যবাসীৰ বাবে এক সু-খবৰ ৷ 49 কোটি টকাৰ ব্যয় সাপেক্ষ কলিয়াবৰৰ বিহডুবিত নতুনকৈ আৰম্ভ হ’ব অসম সমবায় মৰাপাট কলৰ দ্বিতীয়টো গোট ৷ মাঘৰ 1 তাৰিখে পুৱাই অসম সমবায় মৰাপাট কলৰ দ্বিতীয়টো গোটৰ প্ৰস্তুতিৰ শুভাৰম্ভণি কৰে জলসম্পদ মন্ত্ৰী কেশৱ মহন্তই ৷ শুকুৰবাৰে পুৱাই বন্ধ হৈ থকা কলিয়াবৰৰ বিহডুবি পলিষ্টাৰ কল চৌহদত উপস্থিত হৈ নতুন গোটটোৰ প্ৰস্তুতি আনুষ্ঠানিকভাৱে শুভাৰম্ভণি কৰে মন্ত্ৰী গৰাকীয়ে ৷ প্ৰায় 22 বিঘা ভূমিত নতুনকৈ স্থাপন হ'ব নতুন গোটৰ মৰাপাট কলটো ৷ এই কথা প্ৰকাশ কৰিছে মন্ত্ৰী কেশৱ মহন্তই ৷
আগন্তুক 3 মাহৰ ভিতৰত মুকলি হ’ব অসম সমবায় মৰাপাট কলৰ দ্বিতীয়টো গোট